Dansað gegn kynbundnu ofbeldi
Hinn árlegi dansviðburður gegn kynbundnu ofbeldi, Milljarður rís, var haldinn í Íþróttahúsinu á Sauðárkróki sl. fimmtudag. Kom allnokkur hópur fólks þar saman til að sýna samstöðu með þolendum kynbundins ofbeldis og dansa fyrir heimi þar sem allir, óháð kyni og kynhneigð, fá að njóta sömu tækifæra án ótta við ofbeldi.
Þetta var í sjöunda skipti sem viðburðurinn er haldinn hér á landi en í fyrra var dansað í meira en 200 löndum víðs vegar um heiminn. Að þessu sinni var dansað á ellefu stöðum á Íslandi; í Hörpu, í félagsheimilinu Herðubreið á Seyðisfirði, Fosshóteli á Húsavík, íþróttahúsinu á Sauðárkróki, íþróttahúsinu Neskaupstað, íþróttamiðstöðinni á Egilsstöðum, í Hnyðju í Hólmavík, Nýheimum á Höfn í Hornafirði, íþróttahúsinu Iðu á Selfossi og Hofi á Akureyri. Aldrei hefur verið dansað á fleiri
stöðum á landinu í tilefni af Milljarður rís.
Meðfylgjandi myndir voru teknar í íþróttahúsinu á Sauðárkróki.
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.