Donni ráðinn þjálfari 1. deildarliðs Tindastóls
Skrifað hefur verið undir samning við Donna, Halldór Sigurðsson, sem þjálfara Tindastóls fyrir átök næsta árs í fyrstu deildinni í fótboltanum. Donni sem stjórnaði sameinuðu liði Tindastóls og Hvatar kom því í toppsæti 2. deildar sl. sumar og er því öllum hnútum kunnugur hjá félaginu. Undirskriftin fór fram í Hörpunni, menningarhúsi Reykvíkinga klukkan tvö í dag.
-Við erum afskaplega ánægð með að hafa gengið frá ráðningu Donna fyrir þau átök sem framundan eru. Hann þekkir liðið gríðarlega vel, er vel menntaður og metnaðarfullur, segir Ómar Bragi Stefánsson formaður knattspyrnudeildarinnar. - Við gerum okkur grein fyrir því að 1. deildin er mjög sterk en verðum tilbúnir í það verkefni þegar að því kemur. Við munum leggja áherslu á að halda okkar leikmönnum og vonum svo sannarlega að þeir allir séu tilbúnir í þetta verkefni. Þessir leikmenn urðu íslandsmeistarar í þriðju deild 2010 og svo íslandsmeistarar í 2.deild 2011. Að vísu voru Hvatarmenn með okkur sl. keppnistímabil en eins og komið hefur fram hefur því samstarfi nú verið slitið.
Ómar segir áð nú þegar búið er að semja við Donna þá séu næstu skref að semja við leikmenn og hefur hann trú á því að þeir séu klárir enda spennandi fyrir þá að spila í 1.deild þar sem athygli og umfjöllun verður mun meiri og svo að sjálfsögðu sterkari fótbolti.
-Við ætlum að flýta okkur hægt hvað varðar styrkingu leikmannahópsins og ganga fyrst frá málum við okkar leikmenn. Við höfum mikla trú á þeim og treystum þeim til alls. Hvort við svo þurfum að styrkja hópinn eitthvað mun bara koma í ljós en það mun aldrei verða neinn hópur leikmanna á ég von á.
Forsvarsmenn Tindastóls sögðu í tilkynningu til fjölmiðla fyrir atburðinn að ef þessi undirritun yrði á Sauðárkróki ættu fréttamenn og miðlar erfitt með komast alla leið norður enda um langan veg að fara. „Við ætlum því að skjótast suður enda mun styttra suður en norður og mætum í höfuðborgina til að kvitta undir samninginn. „ Til að auka enn á spennuna var gefið í skyn að þjálfarinn yrði líkast til sá yngsti í deildinni en einnig sá efnilegasti og myndarlegasti.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
