Drottning stóðrétta um helgina
Viðamikil dagskrá fer að venju fram í tengslum við Laufskálarétt, drottningu stóðrétta landsins, en réttað er næstkomandi laugardag, þann 27. september. Í bæklingi sem dreift hefur verið um Skagafjörð má sjá að vegleg dagskrá vegna réttarinnar stendur yfir alla helgina.
Á föstudagskvöldið verður boðið upp á stórsýningu og skagfirska gleði í Reiðhöllinni Svaðastöðum. Þar er um að ræða hressandi sýningu með flinkum knöpum og góðum hestum. Þrautakeppnin og skeiðkeppnin eru svo á sínum stað. Í skeiði eru vegleg verðlaun í boði. Höllin verður opnuð kl. 20:00 og búast má við að það verðir kátt í höllinni þetta kvöld.
Þeir sem vilja halda gleðinni áfram á föstudagskvöldið geta svo skellt sér á alvöru sveitaball með Upplyftingu á Hótel Mælifelli. Þar er aldurstakmark 18 ára og húsið opnar á miðnætti. Sama kvöld munu Sigvaldi, Alex Már og Jón Gestur halda uppi stemmingunni í Menningarhúsinu Miðgarði í Varmahlíð, en þar verður dansgólf og barstemming á efri hæðinni.
Löngum fjölmennt í Laufskálarétt
Réttardagskrá í Laufskálarétt í Hjaltadal hefst með því að stóðið verður rekið úr Kolbeinsdal uppúr klukkan 11:30 á laugardag. Réttarstörf hefjast klukkan 13:00. Þátttakendum við stóðrekstur úr Kolbeinsdal er bent á að mæta við Laufskálarétt eða við hesthúsið Ástungu kl. 10:00, á laugardagsmorgunn. Að sögn Atla Más Traustasonar, sem nú gegnir embætti fjallskilastjóra í fyrsta sinn, koma um 400 fullorðin hross til réttar en hann hefur ekki tölu á fjölda folalda sem þeim fylgja. Hrossin hafa í sumar verið á afréttinum í Kolbeinsdal og dölunum þar inn af en á sunnudag var afrétturinn smalaður og rekið í hólf.
Að sögn Atla hefur gestafjöldi í Laufskálarétt verið svipaður í nokkur ár, um 3000 manns. Hann sagði að sér væri ekki kunnugt um hvenær og hvers vegna Laufskálarétt varð að þeim ferðamannaviðburði sem hún er orðin. „En þetta hefur verið svona síðan ég fór fyrst að byrja að þvælast þarna kringum 1980, þá var reyndar ekki svona margt fólk en samt þó nokkuð,“ segir Atli. Hann segir að um tíma hafi verið mikil hrossasala kringum Laufskálaréttina en hún hafi dregist saman eins og sala á hrossum almennt.
Stærsta réttarball norðan heiða
Laufskálaréttarballið verður haldið í Reiðhöllinni Svaðastöðum og hefst það kl. 23 á laugardagskvöldið. Hljómsveitin Von ætlar að stíga á svið ásamt landsliði söngvara: Matti Matt, Ingó veðurguð og Ernu Hrönn. Einnig kemur fram unga og efnilega hljómsveit kvöldsins, með Sigvalda Gunnars í broddi fylkingar. Forsala aðgöngumiða er hjá N1 á Sauðárkróki. Aldurstakmark er 16 ár og tekið er fram að engin bjórsala verður á staðnum.Annað ball verður á Hótel Varmahlíð á laugardagskvöldið, þar sem hljómsveitin Einnogsjötíu frá Akureyri heldur uppi fjörinu kl. 23-03.
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
