Eldur í fjósi í Hegranesi - viðtal og myndir
Um klukkan eitt í nótt kviknaði í fjósi á bænum Egg í Hegranesi í Skagafirði. Það var húsfreyja á þarnæsta bæ, Hamri, sem varð vör við brunalykt og eftir að hafa aðgætt næsta nágrenni ók hún að að Egg og vakti ábúendur þar. Hægur andvari var og vindáttin þannig að brunalyktin fannst ekki heim að íbúðarhúsinu á Egg.
Þegar Feykir kom á staðinn upp úr kl. átta í morgun voru ábúendurnir, Embla Dóra Björnsdóttir og Davíð Logi Jónsson, við hreinsunarstörf í fjósi og hlöðu, ásamt föður Davíðs og bróður.
Davíð segir að slökkvilið frá Sauðárkróki hafi þegar verið kallað á staðinn og nokkuð greiðlega hafi gengið að slökkva eldinn, en hann telur að það hafi tekið um hálftíma. Davíð segir líklega hafa kviknað út frá hitalampa í sem var við millivegg milli fjóss og hlöðu, en það eigi þó eftir að rannsaka betur.
Talsverðar skemmdir eru á fjósinu, þar sem rjúfa þurfti þak til að slökkva eldinn. Auk þess er rafmagnslaust og lagnir fyrir rörmjaltakerfi bráðnuðu í hitanum. Þá eru talsverðar reykskemmdir og mikið vatn í fjósi og hlöðu eftir slökkvistarfið. Veggurinn þar sem eldsupptökin urðu er einnig mikið skemmdur.
Kýrnar voru komnar aftur í fjós, en að sögn Davíðs er hægt að nota alla básana nema átta og þar sem fjósið var ekki fullt sleppur þetta til. Embla sagðist þó ekkert vita hvernig færi með mjaltir, né heldur hve langan tíma taki að gera við þannig að mjaltakerfið verði nothæft.
Iðnaðarmenn var þegar farið að drífa að, auk þess sem von var á rannsóknarlögreglu til að rannsaka eldsupptökin og fulltrúa tryggingafélagsins. Þá var von á ættingjum Emblu sem voru lagðir af stað að sunnan til aðstoðar.
Davíð og Embla sem keyptu jörðina í fyrravor og hafa því búið á henni í um þrettán mánuði, telja sig vel tryggð fyrir tjóni sem þessu. „Það kom hingað sölumaður og seldi okkur sérstaka bændatryggingu svo það ætti að vera í góðu lagi,“ segir Embla.
.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
