Eldur mun loga í Húnaþingi
Bæjarhátíðin Eldur í Húnaþingi verður haldin á Hvammstanga eftir hálfan mánuð en hátíðin hefur verið haldin ár hvert síðan árið 2003. Öll vinna við undirbúning hátíðarinnar er unnin í sjálfboðavinnu af íbúum í héraðinu.
Á hverju ári er fengið nýtt fólk til þess að skipuleggja hátíðina og þess vegna fá nýjar hugmyndir að líta dagsins ljós. Það eru samt alltaf ákveðnir atburðir sem hafa skipað sér fastan sess.
Opnunaratriði hátíðarinnar fer fram á miðvikudagskvöldinu. Það fer fram í Félagsheimili Hvammstanga og á hafnarbakkanum.
Einn helsti atburður hátíðarinnar er tónlistarflutningur í Borgarvirki á föstudagskvöldinu. Borgarvirki er ein af okkar fallegustu náttúruperlum í Húnaþingi Vestra og hafa tónlistarmenn eins og Ragga Gísla, Steini (úr Hjálmum) og Elín Ey, KK, og Hörður Torfa komið þar fram undir berum himni. Í ár mun Regína Ósk og undirleikarar sjá um tónlistarfluttning. Það verður einnig stompað.
Eftir Borgarvirki verða svo tónleikar í félagsheimilinu Hvammstanga með hljómsveitinni Dikta.
Melló Músíka er einnig fastur liður þar sem tónlistarmenn úr sýslunni spila lög eftir sig og aðra. Markmiðið er að eiga saman ljúfa kvöldstund og hlusta á góða tónlist. Eftir flutning heimamanna tekur hljómsveitin BeeBee & the Blue Birds við og spila fram á nótt.
Fjölskyldudagurinn er haldinn hátíðlega á laugardeginum og þar geta allir fundið eitthvað við sitt hæfi. Hoppikastalir, leiktæki og sápubolti verða í boði, veitingar verða á staðnum og munu fyrirtæki á svæðinu keppa sín á milli og leysa spennandi þrautir.
Að kvöldi laugardags er svo haldin 2 böll í Félagsheimilinu á Hvammstanga. Fyrra ballið er barnaball og er í boði Sparisjóðsins, seinna ballið er svo fyrir 16 ára og eldri. Hingað til hafa hljómsveitir á borð við Bermúda, Í svörtum fötum, Sniglabandið, Skítamórall og Buff leikið fyrir dansi. Ákveðið var að endurtaka leikinn og mun hljómsveitin Í svörtum fötum sjá um að halda uppi gleði á ballinu.
Ofaná þessa fasta liði, þá er margt fleira í boði á meðan á hátíðinni stendur eins og ýmis námskeið, listasýningar, útvarp, tónlistarviðburðir, skemmtiatriði og annað sprell. Netfang hátíðarinnar er eldurihun@gmail.com
Heimasíða hátíðarinnar er http://eldur.hunathing.is/index.php
Facebook síða hátíðarinnar er http://www.facebook.com/pages/Hvammstangi-Iceland/Eldur-i-Hunabingi-unglistahatid/85760869048
Fleiri fréttir
-
Vísnakeppni Sæluviku 2025
feykir.is Skagafjörður, Listir og menning, Mannlíf, Lokað efni 04.05.2025 kl. 14.56Við setningu Sæluviku Skagfirðinga er venja að birta úrslit í árlegri vísnasamkeppni, vonandi verður hún á Sæluvikudagskránni næstu hálfa öldina amk. Markmiðið er að fá fólk til að rifja upp kynni við skáldagyðjuna, botna fyrirfram gefna fyrriparta og yrkja vísu eða vísur um ákveðið efni. Í ár er það eftirtektarverður og ógnvekjandi stjórnunarstíll forseta nokkurs vestanhafs sem er yrkisefnið. Aukning þátttöku í prósentum talið er að nálgast efri tollamörk Trömps. Bárust okkur svör frá 21 hagyrðingi undir alls 26 dulnefnum . Sumir botnuðu alla fyrriparta ásamt því að senda inn eina eða fleiri vísur, einhverjir sendu aðeins eina stöku og allt þar á milli. Hver hafði sína hentisemi með það. Úr nógu var því að moða og erfitt verk beið dómnefndar.Meira -
Þriðja eins marks tap Stólastúlkna í röð
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.52Eftir sigur í fyrstu umferð Bestu deildar kvenna hefur lið Tindastóls nú tapað þremur leikjum í röð en allir hafa leikirnir tapast með eins marks mun og liðið verið vel inni í þeim öllum. Í gær heimsóttu Stólastúlkur gott lið Þróttar sem hafði lúskrað á okkar liði í Lengjubikarnum 9-0. Eftir hálfrar mínútu leik í gær var staðan orðin 1-0 og margir óttuðust skell. Fleiri urðu mörkin hins vegar ekki og 1-0 sigur Þróttar niðurstaðan.Meira -
Erfið byrjun Húnvetninga í 2. deildinni
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.34Við skulum vona að fall sé fararheill hjá knattspyrnuliði Húnvetninga því ekki sóttu þeir gull í greipar Austfirðinga í gær. Þá öttu þeir kappi við lið KFA í Fjarðabyggðahöllinni í fyrstu umferð 2. deildar karla í knattspyrnu. Þegar upp var staðið höfðu gestgjafarnir hreinlega alls ekkert verið gestrisnir, gerðu átta mörk á meðan gestirnir gerðu eitt.Meira -
Tindastólspiltar með sigur í fyrsta leik
feykir.is Skagafjörður, Íþróttir, Lokað efni 04.05.2025 kl. 02.52Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.Meira -
Það verða læti!
feykir.is Skagafjörður, Íþróttir, Lokað efni 03.05.2025 kl. 23.24Fjórði leikurinn í undanúrslitaeinvígi Tindastóls og Álftaness fór fram í Kaldalónshöllinni á Álftanesi í kvöld: Það var frábær stemning og stuðningsfólk Tindastóls fjölmennto og var í góðum gír að venju. Leikurinn var hin besta skemmtun og enn betri fyrir gestina eftir því sem á leið leikinn. Það fór svo á endanum að Stólarnir sýndu sínar bestu hliðar og tryggðu sér þriðja sigurinn í einvíginu og þar með sæti í úrslitarimmunni. Lokatölur 90-105.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.