Eltu mig þjónustar fyrirtæki á samskiptamiðlum og í vefuppsetningu
Hrafnhildur Viðarsdóttir á Sauðárkróki er að koma á koppinn fyrirtæki sem sérhæfir sig í samfélagsmiðlum en nafn fyrirtækisins, Eltu mig (e. Follow me), er einmitt skírskotun í miðlana. „Fyrirtækið er hugsað til að sjá um samfélagsmiðla fyrir önnur fyrirtæki. Ég hef orðið vör við þörf fyrir þessa þjónustu en margir í fyrirtækjarekstri hafa kannski ekki tíma til að standa í því að tileinka sér þekkingu á flóru samfélagsmiðlana og verða því af mikilvægum markaðstækifærum,“ sagði Hrafnhildur í spjalli við blaðamann Feykis.
Sjálf hefur Hrafnhildur lifað og hrærst í heimi samskiptamiðlana frá því þeir komu fyrst á sjónarsviðið. „Minn bakgrunnur í samfélagsmiðlum er stór og breiður. Ég byrjaði á MySpace á sínum tíma og kom mér upp síðu á Facebook árið 2007 þegar miðilinn var fyrst að ryðja sér til rúms. Þá var fólk að segja: „Glætan að ég fari á þetta Facebook, það er bara bóla. Það eru allir á MySpace! En nú hefur dæmið alveg snúist við og fólk man varla eftir MySpace,“ segir hún og hlær.
Umsjón Hrafnhildar með samskiptamiðlum fyrirtækjanna felst í því að halda þeim lifandi – ein færsla inn á Facebook daglega og myndir inn á Instagram og Twitter 3-4 sinnum í viku ásamt því að taka á móti fyrirspurnum sem berast og koma þeim áfram. En samskiptamiðlaþjónusta er ekki það eina sem Hrafnhildur hyggst bjóða upp á. „Ég mun líka sjá um uppsetningu á heimasíðum fyrir fyrirtæki og ferðaþjónustuaðila, og umsjón með innihaldi á þeim eftir að þær eru komnar í loftið, sjá um að skrifa pistla og/eða tilkynningar og svo framvegis svo vefurinn haldist ferskur og lifandi.“
Viðtalið við Hrafnhildi má lesa í Feyki vikunnar.
Fleiri fréttir
-
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Húni.is segir frá því að á föstudaginn 20 júní verður haldið skákmótið Húnabyggð open sem er í tengslum við skákhátíðna sem stendur yfir á Blönduósi og lýkur 21 júni. Enn er hægt að skrá sig til leiks. Húnabyggð Open 2025 er opið mót sem haldið ve...Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira -
Vel heppnuð vinnustofa um íþróttir fatlaðra
feykir.is Skagafjörður, Íþróttir, Mannlíf, Lokað efni 14.06.2025 kl. 20.04Í byrjun mánaðar héldu Ungmennasamband Skagafjarðar (UMSS), Svæðisstöðvar íþróttahéraða og Íþróttasamband fatlaðra (ÍF) sameiginlega vinnustofu um íþróttir fyrir fatlaða á Sauðárkróki. Vinnustofan var fyrir foreldra, forsjáraðila, íþróttaþjálfara, starfsfólk skóla og áhugafólk um íþróttir í sveitarfélaginu. „Vinnustofan var vel sótt og greinilegt að mikil þörf var á þessum viðburði. Miklar og góðar umræður sköpuðust um íþróttir fatlaðra í Skagafirði. Það verður gaman að vinna úr þeim punktum sem fram komu og koma þeim í farveg,“ segir Halldór Lárusson, svæðisfulltrúi íþróttahéraða á Norðurlandi vestra.Meira
