Elvar Einarsson nýr formaður Skagfirðings
Formannsskipti urðu í Hestamannafélaginu Skagfirðingi á aðalfundi þess sem haldinn var í Tjarnabæ í síðustu viku. Skapti Steinbjörnsson, á Hafsteinsstöðum, sem gegnt hefur embættinu sl. fjögur ár, ákvað að bjóða ekki fram krafta sína á ný og því var nýr formaður kosinn. Sá eini sem bauð sig fram, Elvar Einarsson á Skörðugili, fékk afgerandi kosningu eða öll atkvæði utan eins sem merkt var Stefáni Loga Haraldssyni, sem þó hafði ekki óskað eftir þeim frama í félaginu.
Ása Hreggviðsdóttir, sem haldið hefur utan um fjárreiður félagsins, vék einnig úr stjórn og þurfti því að kjósa tvo aðila, þar sem Elvar hafði einnig verið í fráfarandi stjórn. Í þeirra stað komu þau Unnur Rún Sigurpálsdóttir og Geir Eyjólfsson auk tveggja nýrra varamanna inn í stjórnina, Bjarna Jónassonar og Söru Gísladóttur. Áfram sitja þau Pétur Örn Sveinsson og Rósa María Vésteinsdóttir í aðalstjórn.
Í yfirreið formanns, um starfsemi félagsins síðasta starfsár, kom berlega í ljós hversu öflugt félag Skagfirðingar eiga en hvorki fleiri né færri en 18 starfandi nefndir eru innan félagsins, utan aðalstjórnar, sem heldur utan um starfsemi þess í hinum margvíslegu málum.
Þá var ekki síður fróðlegt og jafnvel spennandi, eins og gjaldkerinn orðaði það, að fara yfir reikninga félagsins en niðurstöðutölur sýndu að félagið var rekið með tæplega níu hundruð þúsund króna hagnaði síðasta starfsár.
Stefán Logi Haraldsson, sem situr í stjórn LH, flutti fundarmönnum kveðju frá formanni LH, Lárusi Ástmari Hannessyni, til félagsmanna Skagfirðings en Skagfirðingur mun halda landsþing LH í Miðgarði næsta haust og fara þar einnig fram formannsskipti þar sem Lárus hefur gefið það út að hann ætli ekki að gefa kost á sér til áframhaldandi formannssetu.
Uppfært: Í upphaflegri frétt stóð að Skapti Steinbjörnsson hefði verið formaður félagsins síðustu þrjú ár en rétt er að árin voru fjögur. Beðist er velvirðingar á þessari rangfærslu.
Fleiri fréttir
-
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira -
Það verður hasar í Síkinu í kvöld
feykir.is Skagafjörður, Íþróttir 18.04.2024 kl. 11.29Það er stórleikur í Síkinu í kvöld því þá fer fram fjórði leikurinn í einvígi Tindastóls og Snæfells í baráttunni um sæti í efstu deild. Stólastúlkur standa vel að vígi, eiga heimaleikinn í kvöld þar sem liðið getur tryggt sér 3-1 sigur í einvíginu. Það væri því vel við hæfi að sýna liðinu alvöru stuðning og fjölmenna í Síkið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.