Endurtaka þarf leik í unglingaflokki eftir kæru Keflvíkinga
Unglingaflokkar Tindastóls og Keflavíkur mættust á dögunum í bikarkeppni og var leikið á Króknum. Lið Tindastóls sigraði 82-70 en síðar ákváðu Keflvíkingar að kæra framkvæmd leiksins því að ekki hafi verið rétt staðið að því að raða dómurum á leikinn. Aga- og úrskurðarnefnd KKÍ féllst á málatilbúnað Keflvíkinga og þarf því að endurtaka leikinn en þá væntanlega með öðrum dómurum.
Í úrskurði aga- og úrskurðarnefndar segir: -Úrslit í leik Tindastól og Keflavíkur í bikarkeppi unglingaflokks, sem fram fór 28. janúar 2014, eru ógild. Leikurinn skal endurtekinn svo fljótt sem kostur er.-
Það er vel þekkt framkvæmd í kringum leiki á landsbyggðinni að fengnir séu dómarar af svæðinu en þá með samþykki gestaliðsins. Í kærunni kemur fram að aðstoðarþjálfari Keflavíkur hafi samþykkt að það yrði gert en með þeim áskilnaði að fengnir yrðu dómarar með réttindi frá KKÍ. Engir slíkir dómarar eru á Króknum og voru því tveir leikmenn mfl. Tindastóls fengnir til að dæma leikinn og segir í kæru Keflavíkur að þeir hafi verið mjög hlutdrægir í leiknum, heimaliðinu í vil.
Aðilum bar ekki saman um hvort aðstoðarþjálfari Keflavíkur hafi gert það að skilyrði að fengnir yrðu dómarar með réttindi frá KKÍ.
Sjá má á samfélagsmiðlum að heimamenn eru afar ósáttir við niðurstöðuna en svo virðist sem gestirnir hafi engar athugasemdir gert á leikstað þó öllum ætti að vera ljóst að dómararnir voru leikmenn mfl. Tindastóls og þar með flestir félagar leikmanna unglingaflokks sem margir hverjir spila einnig með meistaraflokki. Eru menn ansi hræddir um að með þessari niðurstöðu hafi aga- og úrskurðarnefnd KKÍ opnað væna ormadós.
Fleiri fréttir
-
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira -
„Ungt fólk sjálfstæðara og ákveðnara en áður“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 07.06.2025 kl. 13.17Eins og fram hefur komið þá láta nú af störfum þrír máttarstólpar Fjölbrautaskóla Norðurlands vestra og þar með talinn skólameistarinn sjálfur. Ingileif Oddsdóttir tók við starfi skólameistara af Jóni F. Hjartarsyni árið 2011 en þau tvö eru ein um að hafa gegnt þessari stöðu í 46 ára sögu skólans sem er auðvitað magnað í sjálfu sér. Feykir lagði nokkrar spurningar fyrir Ingileif.Meira -
Þrír hressir hundar á heimili Gunndísar | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 07.06.2025 kl. 13.03Í þessum gæludýraþætti ætlum við að fara yfir á Skagaströnd en þar býr Gunndís Katla Þrastardóttir og fjölskyldan hennar. Gunndís er á þrettánda ári og er dóttir Vigdísar Elvu Þorgeirsdóttur, kennara í Höfðaskóla, og Þrastar Árnasonar, sjómanns á Drangey SK-2. Hún á einnig eina systur og tvo bræður. Það má svo ekki gleyma öllum loðdýrunum á heimilinu en þau eiga þrjá hunda, Óm, Dreka og Brúnó. Feyki langaði að forvitnast aðeins um gæludýrin hennar Gunndísar og sendi henni nokkrar spurningar.Meira
