Drangeyjarbryggjan ónýt
Í vonda veðrinu sem gekk yfir landið í síðustu viku, um miðjan júlí, vildi ekki betur til en svo að flotbryggjan við Drangey losnaði og er nú gjörónýt. Er því ófært út í eyju eins og staðan er í dag og ljóst að mikið tjón hefur orðið fyrir ferðaþjónustuaðilann í eyjunni, Drangeyjarferðir.
Í samtali við Feyki segir Viggó Jónsson hjá Drangeyjarferðum, að akkerisfestingar hafi gefið sig og útlit sé fyrir að smíða þurfi bryggjuna upp á nýtt. „Eins og staðan er núna er ekki hægt að fara út í eyju nema með mikilli fyrirhöfn. Það er ekki hægt að lenda þar sem engin er bryggjan og við þyrftum að ferja alla í land með léttabát. Því höfum við verið að fara í hringferðir um eyjuna í staðinn og njóta hennar af sjó,“ segir Viggó. Ekki bólar þó á svartsýni hjá þessum athafnamanni því eins og Skagfirðingar vita þá eru aldrei vandamál hjá Viggó, bara verkefni.
Viggó segir að þegar ljóst var að minna yrði um að vera í sumar, miðað við fyrri ár, og því hafi þeir feðgar, Helgi Rafn Viggósson, ekki verið að búast við neinu. Þeir ákváðu að gera út á strandveiðar þegar ekki væru ferðir í Drangey þó þær hafi verið látnar ganga fyrir og því ekki hægt að segja að aflinn hafi verið mikill. Traffíkin hafi þó verið um þriðjungur af venjulegu ári. Það sem einkennir ferðirnar hingað til eru hvalirnir sem hafa verið við Sauðárkrók í sumar og stundum hafi munað litlu að árekstur hafi orðið í höfninni, á milli hvals og báts. „Það er bara frábært að fólk hafi fengið hvalaskoðun á fyrstu fimm mínútum ferðarinnar,“ segir Viggó og vill minna á að hægt sé að nýta sér ferðagjöfina hjá Drangeyjarferðum.
Heimasíða Drangeyjarferða Drangeyjarferðir á Facebook Drangeyjarferðir á Instagram
/SHV
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.