Enn snjóar í fjöll á Norðurlandi
Mikið hefur rignt í Skagafirði í dag þó sérstaklega seinni partinn og fram á nótt. Hitastigið fór hríðlækkandi er á leið og hefur verið lágt síðustu stundirnar en fjöll eru farin að hvítna niður í miðjar hlíðar. Í nótt á að lægja og stytta upp. Á morgun gerir Veðurstofan ráð fyrir suðaustan 5-10 og samkvæmt spánni fer að rigna annað kvöld. Svalt í nótt, en 8 til 13 stig á morgun.
Veðurhorfur á landinu næstu daga:
Á mánudag:
Suðlæg eða breytileg átt, 5-10 og rigning víða um land. Snýst í hæga norðvestlæga átt seinnipartinn og dregur úr úrkomu. Hiti 8 til 16 stig, hlýjast A-lands.
Á þriðjudag:
Suðlæg átt, 5-10 m/s. Skýjað með köflum og hiti 10 til 16 stig, en léttskýjað á N- og A-landi og hiti 16 til 21 stig.
Á miðvikudag og fimmtudag:
Sunnan og suðvestanátt, 5-10 m/s. Dálítil rigning eða súld S- og V-lands og hiti 10 til 15 stig. Bjartviðri um landið norðaustanvert og hiti 12 til 22 stig, en stöku síðdegisskúrir.
Á föstudag og laugardag:
Útlit fyrir suðvestan átt. Víða skúrir, en bjart að mestu fyrir austan. Hiti 9 til 16 stig, hlýjast A-lands.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
