Er endurhæfingin að loka?
„Tappinn verður tekinn úr sundlauginni á Endurhæfingunni ef ekkert breytist í fjárlagafrumvarpinu fyrir þriðju umræðu sem verður í næstu viku“, segir Helga Sigurbjörnsdóttir í Hollvinum Heilbrigðisstofnunarinnar á Sauðárkróki en ráðuneyti heilbrigðismála hefur verið gert það kunnugt. Hætta er á að deildinni verði lokað ef fer sem horfir í þeim málum.
Skagfirðingar eru sem þrumu lostnir eftir að HS er gert að skera niður umfram aðrar heilbrigðisstofnanir í landinu og skilja ekki hvað stjórnarliðar eru að hugsa þar sem ekki hefur verið sýnt fram á að sparnaður sitji eftir fyrir ríkið þegar upp er staðið. Haft var eftir Fanneyju Karlsdóttur sjúkraþjálfa hér á Feyki að á endurhæfinguna á Sauðárkróki eru yfir 100 komur á dag sem færðust þá annað fyrir þá sem það gætu ef endurhæfingunni yrði lokað.
Magnús Jóhannesson á Sauðárkróki varð fyrir mænuskaða í vor er hann lenti í vinnuslysi og hefur verið í endurhæfingu á Grensás síðan. Til stendur að hann flytji heim til sín á Krókinn eftir viku en hann segir að það sé engu líkara en stjórnvöld vilji að hann flytji í burtu eða í besta falli að greiða undir hann dýrar ferðir annað til að komast í endurhæfingu. –Þetta leggst þungt í mig. Ég veit ekki hvort þeir vilji að maður leggist í eymd og volæði og endi sem aumingi, segir Magnús þungorður í garð ráðamanna en endurhæfingin er það sem skiptir miklu máli í hans stöðu. Mikil tilhlökkun er hjá Magnúsi að komast heim í faðm fjölskyldunnar á Sauðárkróki og ekki síður hjá fjölskyldunni að fá kappann heim eins og sést í hugnæmu vídjói sem Sigrún konan hans setti á Facebook. Raförvunartækið sem sést á myndbandinu og tengt er fótleggjum Magnúsar heldur vöðvum virkum og stefnir hann á að fjárfesta í slíku tæki sjálfur og er í samræðum um að það verði notað í hans endurhæfingu á Sauðárkróki.
Helga Sigurbjörnsdóttir ítrekar að um tilfærslu fjármagns er að ræða en ekki sparnað og segir að nú sé að duga eða drepast. Hún er búin að senda þingmönnum póst og biðja þá um að athuga gaumgæfilega hvað þeir ætli að gera og hvetur alla sem láta málið sig varða að gera slíkt hið sama. Netföng þingmanna er hægt að nálgast á vef Alþingis en eftirfarandi þingmenn sitja í fjárlaganefnd:
- Árni Þór Sigurðsson 5, RN, Vg,
- Ásbjörn Óttarsson 1, NV, S,
- Björgvin G. Sigurðsson 1, SU, Sf,
- Björn Valur Gíslason 8, NA, Vg, 1. varaform.
- Höskuldur Þórhallsson 6, NA, F,
- Illugi Gunnarsson 3, RN, S,
- Kristján Þór Júlíusson 4, NA, S,
- Sigmundur Ernir Rúnarsson 7, NA, Sf, 2. varaform.
- Sigríður Ingibjörg Ingadóttir 4, RS, Sf, form.
- Áheyrnarfulltrúi er Þór Saari 9, SV, Hr,
- Og varamenn eru:
- Árni Johnsen 9, SU, S,
- Helgi Hjörvar 4, RN, Sf,
- Lilja Rafney Magnúsdóttir 6, NV, Vg,
- Magnús Orri Schram 7, SV, Sf,
- Ragnheiður Ríkharðsdóttir 8, SV, S,
- Valgerður Bjarnadóttir 6, RN, Sf,
- Vigdís Hauksdóttir 8, RS, F, varamaður
- Þorgerður K. Gunnarsdóttir 5, SV, S, varamaður
- Þuríður Backman 5, NA, Vg, varamaður
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
