FAB LAB formlega opnað á morgun
Laugardaginn 4. Desember 2010 kl. 15:00 verður FAB LAB stofa á Sauðárkróki formlega opnuð. Þessi hátækni smíðastofa er staðsett í nýju verknámshúsi Fjölbrautaskóla Norðurlands vestra, en húsið verður vígt sama dag og hefst sú athöfn kl. 14:00. Verknámshúsið og FAB LAB stofan verða opin til kl 16:30 og verður starfsemi og hugmyndafræði FAB LAB stofa kynnt fyrir gestum og gangandi.
FABLAB er smíðastofa með einföldum stýribúnaði sem gerir fólki á öllum aldri og með lágmarks tækniþekkingu kleyft að hanna og smíða eigin frumgerðir. Hugmyndafræði FABLAB er að færa hátæknilausnir í iðnaði og hönnun til einstaklinga og smáfyrirtækja þannig að þau geti á einfaldan hátt komið hugmyndum sínum um iðnframleiðslu í framkvæmd. Í raun má segja að þeir sem hafa aðgang að slíkri smíðastofu séu eingöngu takmarkaðir af eigin hugmyndaflugi þannig að þetta er gott verkfæri til að efla nýsköpun og þróun.
FAB LAB stofan verður nýtt til kennslu í grunnskólum og Fjölbrautaskóla Norðurlands vestra, en einnig er stofan opin fyrir alla þá sem vilja nýta sér stafræna tækni við framleiðslu eða listsköpun. FAB LAB stofa á Sauðárkróki er ein af tæplega 50 FAB LAB stofum sem eru starfræktar um víða veröld, en stofurnar vinna saman með frítt flæði hugmynda og þekkingar og er því mjög auðvelt að ná í þekkingu og tæknilausnir ef hugmyndaflugið þrýtur á einum stað
FAB LAB á Sauðárkróki er samstarfsverkefni Fjölbrautaskóla Norðurlands vestra, Hátækniseturs Íslands ses, Nýsköpunarmiðstöðvar Íslands, Skagafjarðarhraðlestarinnar og Sveitarfélagsins Skagafjarðar.
Fleiri fréttir
-
Frímann og Stjarni
feykir.is Skagafjörður, Hestar, Lokað efni 20.07.2025 kl. 19.00Hér hefur göngu sína nýr þáttur í Feyki en hann nefnist: Sögur af mönnum og hestum. Umsjón hefur Hinrik Már. Það er Eiríkur Jónsson frá Dýrfinnustöðum, nú Óðalsbóndi í Svíþjóð, sem segir hér frá Frímanni á Syðri-Brekkum og hesti hans Stjarna.Meira -
Austfirðingar fengu á baukinn á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 20.07.2025 kl. 11.58Lið Kormáks/Hvatar fékk Austfirðinga í heimsókn á Blönduós í gærdag. Húnvetningar áttu harma að hefna eftir að lið KFA fór vægast sagt illa með gesti sína í fyrstu umferð 2. deildar og vann leikinn 8-1. Leikurinn í gær var um margt líkur fyrri leiknum nema nú voru liðsmenn KFA sem fóru hnípnir heim með skottið á milli lappanna eftir 5-1 tap.Meira -
Húnvetningar dansa á Spáni
feykir.is Austur-Húnavatnssýsla, Íþróttir, Vestur-Húnavatnssýsla, Listir og menning, Lokað efni 20.07.2025 kl. 10.30Eins og Feykir hefur sagt frá áður þá fór góður hópur af húnvetnskum krökkum til Spánar að keppa í dansi og eru þau nýkomin heim úr þeirri ferð. Feykir hafði samband við eina úr hópnum, Íseyju Waage sem á heima í Skálholtsvík í Húnaþingi vestra og spurði hana út í þetta ævintýri.Meira -
Sigurdís Sandra bæði á Hólum og Heimilisiðnaðarsafninu
feykir.is Skagafjörður, Austur-Húnavatnssýsla, Listir og menning, Lokað efni 19.07.2025 kl. 23.48Sigurdís Sandra Tryggvadóttir tónskáld, píanóleikari og söngkona verður með tvenna tónleika á Norðurlandi vestra á morgun, sunnudaginn 20. júlí. Hún hefur leik í Hóladómkirkju kl. 11:00 og drífur sig svo vestur á Blönduós þar sem hún spilar á sumartónleikum Heimiisiðnaðarsafnsins kl. 15:00 og slær þannig lokahöggið á Húnavöku.Meira -
Félagar í Drangey vilja bráðabirgðalög vegna strandveiða
feykir.is Skagafjörður 19.07.2025 kl. 23.00Félagsfundur Drangeyjar – smábátafélags Skagafjarðar haldinn 18. júlí 2025 mótmælir harðlega stöðvun strandveiða 16. júlí sl. Í tilkynningu frá félaginu segir að þetta sé sjötta árið í röð sem ekki er leyft að veiða út ágúst eins og lög frá 2018 gera ráð fyrir.Meira
