Fisk Seafood styrkir fátæka til augnaðgerða í Nígeríu
Fisk Seafood á Sauðárkróki er á meðal íslenskra fiskafurðaframleiðenda sem eru þátttakendur í verkefninu MISSION FOR VISION í Calabar í Nígeríu. Verkefnið hefur það að markmiði að gefa blindu og sjónskertu fólki sjónina á ný, sem annars hefur ekki ráð á slíkum aðgerðum.
Samkvæmt fréttatilkynningu frá Sölku-Fiskmiðlun var því fagnað á dögunum að 22 þúsund augnaðgerðir hafa verið framkvæmdar í verkefninu en það hófst árið 2003. Þátttaka íslensku framleiðendanna byggist á því að þau gefa ýmist pakka af afurðum eða peninga til verkefnisins og dugir framlag þeirra fyrir 2000 augnaðgerðum árlega.
Í tilkynningunni segir um augnaðgerðirnar:
„Þiggendurnir byrja á að koma í skoðun en flestir eru með vagl eða gláku. Með einfaldri leysiaðgerð er þeim tryggð sjón í langflestum tilvikum. Aðgerðin sjálf tekur ekki nema rétt um 5 mínútur en sjúklingarnir þurfa að vera á spítalanum 3-5 daga og koma svo í eftirlit tvisvar eftir aðgerð. Allt ferlið er sjúklingnum að kostnaðarlausu. Starfsfólk spítalans er flest heimafólk en yfirstjórnin og læknirinn sem framkvæmir aðgerðirnar eru frá Indlandi.“
Áhrifarík stund
Sendinefnd frá Íslandi var viðstödd og varð vitni að því þegar fólk sem misst hafði sjónina sá veröldina á ný, að aðgerðinni lokinni. „Það var mjög áhrifaríkt að upplifa þessa stund, sjá gleðina í augum þessa fátæka fólks og finna einlægt þakklæti í okkar garð sem höfum staðið að þessu verkefni,“ sagði Katrín Sigurjónsdóttir, framkvæmdastjóri Sölku-Fiskmiðlunar hf. á Dalvík.
Þau íslensku fyrirtæki sem komu að verkefninu með einum eða öðrum hætti eru:
Salka-Fiskmiðlun hf. Dalvík, Klofningur ehf. Suðureyri, Lýsi hf. þurrkun Þorlákshöfn, Samherji hf. Dalvík, Félagsbúið Miðhrauni, Laugafiskur hf. Akranesi, Faroe Marine Products Færeyjum, Norlandía ehf. Ólafsfirði, Fiskmark ehf. Þorlákshöfn, FISK Seafood Sauðárkróki, Þurrkaðar fiskafurðir ehf. Grindavík, GPG fiskverkun Húsavík, Haustak hf. Grindavík, Herðir Egilsstöðum, Flúðafiskur ehf. Flúðum, Langa ehf. Vestmannaeyjum og flutningafyrirtækin Eimskip og Samskip.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
