Fjölmennasti brautskráningarhópurinn úr ferðamáladeild
Brautskráning frá Háskólanum á Hólum vorið 2016 fór fram við hátíðlega athöfn í Menningarhúsinu Miðgarði á föstudaginn var. Dagskráin var með hefðbundnum hætti og hófst með ávarpi rektors skólans, Erlu Bjarkar Örnólfsdóttur.
Í ár eru liðin 20 ár frá því að ferðamáladeild skólans tók til starfa, og flutti Guðrún Þóra Gunnarsdóttir stutt ávarp af því tilefni. Guðrún Þóra var ein af þeim sem unnu á sínum tíma að því að koma deildinni á fót og stýrði henni lengi vel. Hún lét þess getið að haustið 1996 hefðu sex nemendur innritast í deildina, en í vetur losuðu skráðir nemendur 130, auk gesta- og skiptinema frá öðrum skólum. Með haustinu má reikna með að ferðamáladeildin fagni afmælisárinu sérstaklega.
Deildarstjórarnir tóku síðan til máls, hver á eftir öðrum, og brautskráðu sína nemendur. Fyrstur sté í pontu Sveinn Ragnarsson, deildarstjóri hestafræðideildar. Hann brautskráði alls 13 manns með BS-próf í reiðmennsku og reiðkennslu. Því miður gat hann þó einungis afhent sjö skírteini því um helmingur nemanna var fjarri góðu gamni, upptekinn við kynbótasýningar og annað sem tengist þessum árstíma þegar hestamennskan er annars vegar. Þess má einnig geta að allur BS-hópurinn tók þátt í reiðsýning hinn 21. maí.
Hefð er fyrir því að veita sérstaka viðurkenningu fyrir besta heildarárangur í BS-náminu. Að þessu sinni stóðu þrír nemendur hnífjafnir og frekar en að láta reyna á þriðja aukastaf var ákveðið að heiðra þá alla jafnt. Þetta voru þau Óskar Örn Hróbjartsson, Sara Rut Heimisdóttir og Tonhild Skaare Tveiten.
Bjarni Kristófer Kristjánsson, deildarstjóri fiskeldis- og fiskalíffræðideildar, brautskráði tvo nema með diplómu í fiskeldisfræði, og aðra tvo með meistarapróf í sjávar- og vatnalíffræði. Þess ber að geta að allnokkur hópur fiskeldisnema er nú í verknámi og eðli námsins samkvæmt er algengast að fiskeldisnemar séu brautskráðir í október.
Fjölmennasti brautskráningarhópurinn var úr ferðamáladeild. Laufey Haraldsdóttir deildarstjóri kallaði alls fram 22 nema til að taka við diplómu í viðburðastjórnun og 24 skírteini um lærdómstitilinn Baccalaureus Artium í ferðamálafræði voru í bunkanum. Að lokum brautskráði hún tvo með MA í ferðamálafræði.
Sérstaka viðurkenningu fyrir framúrskarandi árangur í ferðamáladeild hlutu þær Anna Karen Úlfarsdóttir (diplóma í viðburðastjórnun) og Guðbjörg Linda Udengard (BA í ferðamálafræði).
Sara Rut Heimisdóttir, BS í reiðmennsku og reiðkennslu, ávarpaði viðstadda fyrir hönd brautskráningarhópsins. Síðust á mælendaskrá var Hrafndís Bára Einarsdóttir, nýbrautskráð með diplómu í viðburðastjórnun. Hún tók til máls undir yfirskriftinni „Af hverju ertu svona löt“ – háskólanám og andleg veikindi.
Um tónlistarflutning sáu þau Guðrún Jónsdóttir og Stefán R. Gíslason. Athöfninni stjórnaði Helgi Þór Thorarensen. Að henni lokinni bauð Háskólinn á Hólum öllum viðstöddum til kaffisamsætis, í umsjón Ferðaþjónustunnar á Hólum.
Þess má að lokum geta að föstudaginn 3. júní sl. brautskráðist einn nemandi með BS í hestafræði, af sameiginlegri námsbraut Háskólans á Hólum og Landbúnaðarháskóla Íslands.
Fleiri fréttir
-
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira -
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira -
Nýr vegvísir Evrópusambandsins um jafnrétti kynjanna | Clara Ganslandt skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 13.37Kæru Íslendingar, til hamingju með kvenréttindadaginn. Það er merkilegt að hugsa til þess að íslenskar konur hafi verið með þeim fyrstu í Evrópu til að hljóta kosningarétt á þessum degi árið 1915, fyrir 110 árum síðan og því ber að fagna. Enn fremur þykir mér aðdáunarvert að Ísland skuli ennþá tróna á toppi lista Alþjóðaefnahagsráðsins yfir jafnrétti kynjanna í meira en áratug samkvæmt nýjustu skýrslu sem birt var í síðustu viku.Meira -
Króksmót ÓB um helgina
feykir.is Skagafjörður, Íþróttir, Mannlíf, Lokað efni 19.06.2025 kl. 11.40Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.Meira
