Flettu JólaFeyki á netinu
Jólablað Feykis rann af stað á færibandinu í gær og er hluti upplagsins klár og kominn á Póstinn. Það er töluverð vinna við samsetningu blaðsins og lýkur henni ekki fyrr en í dag, þannig að það verða því miður ekki allir komnir með blaðið í hendur fyrir helgi. Beðist er velvirðingar á því.
Jólablaðið er 44 síður líkt og verið hefur síðustu ár og stútfullt af alls konar. Má þar sem dæmi nefna hinn árlega kökuþátt en að þessu sinni eru það kvenfélagskonur í Akrahreppi sem baka. Þá má finna í blaðinu ýmsar frásagnir, einn stuttan jólakrimma, Sigga Kristín verður Feykifín í boði stelpnanna í Villunni og viðtöl eru við Rúnar Þór, sem skaust á Hobbitaslóðir í hjólastól, og Uglu Stefaníu, sem berst fyrir réttindum transfólks víða um heim, svo eitthvað sé nefnt. Þá má ekki gleyma Jóla-Myndagátunni sem mörgum þykir gjörsamlega ómissandi.
Það má geta þess að lesendur Feykis voru spurðir á Facebook-síðu Feykis hvort þeir ættu í fórum sínum myndir sem gætu gengið sem forsíðumynd á blaðið. Nokkrar ágætar myndir bárust okkur og varð mynd Helgu Rósu Guðjónsdóttur, tekin í Áshúsinu í Glaumbæ, fyrir valinu.
Þeir sem ekki geta beðið eftir að fá blaðið í hendur geta flett JólaFeyki hér á netinu, en hægt er að skoða blaðið með því að smella hér eða smella á forsíðumynd blaðsins hér á Feyki.is. Þeir sem ætla að skoða blaðið á netinu gætu þurft að hafa smá þolinmæði ef netsambandið er ekki upp á það besta; skjalið er stórt og síðurnar gætu þurft nokkur augnablik áður en þær birtast.
Vonandi finna allir eitthvað við sitt hæfi í blaðinu og eiga góðar stundir með JólaFeyki í fanginu – eða á skjánum.
Fleiri fréttir
-
Er botninum náð, vísnavinir góðir?
feykir.is Skagafjörður, Listir og menning 20.04.2024 kl. 11.27Það styttist í Sæluviku Skagfirðinga og því rétt að minna á Vísnakeppni Safnahússins sem sagt var frá fyrr í mánuðinum hér í Feyki. Vísur og botnar verða að hafa borist Safnahúsi Skagfirðinga Faxatorgi 55, Sauðárkróki í síðasta lagi á miðnætti 23. apríl nk.Meira -
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.