Flóð og feikna hviður í Skagafirði
Veður er að ganga niður á Norðurlandi vestra en bálhvasst hefur verið í allan dag. Í morgun var veðrið hvað verst og vindhraði mældist yfir 55 metra á sekúndum í verstu hviðunum við Stafá á mótum Sléttuhlíðar og Fljóta. Í hlýindunum og hlákunni hafa ár víða flætt yfir bakka sína og er Eylendi Skagafjarðar komið á kaf.
Eftir stendur mölin ein. Mynd: Þorlákur Sigurbjörnsson.
Svo rammt hvað að við Stafána í mestu vindhviðunum að klæðning fauk af veginum svo eftir stendur mölin ein á smá kafla vegarins. Að sögn Þorláks Sigurbjörnssonar, bónda á Langhúsum, var ansi hvasst um 9 leytið í morgun en stóð ekki lengi yfir.
Eylendið á kafi. Útsýni frá þjóðvegi við Litlu-Gröf á Langholti. Mynd: PF.
Héraðsvötnin hafa flætt yfir bakka sína og Eylendið á kafi í vatni en að sögn Karels Sigurjónssonar á Húsabakka hefur sjatnað aðeins er Feykir hafði samband upp úr klukkan 16 í dag. „Það rann aðeins upp hérna í morgun en það er komið niður fyrir núna. Það var engin hætta fyrst að ísinn hreyfðist ekki. Ef þau hefðu brotið af sér ísinn veit maður ekkert hvað hefði getað gerst.“
Karel segir að meðan ísinn hangir á geti flætt út um allt en ekkert ísrek. „Ef og þegar það er komið af stað geta Vötnin stíflast og þá fer vatnið bara til hliðar og þá eira þau engu,“ segir Karel sem taldi enga hættu vera á ferðum þrátt fyrir að bærinn sé umflotinn vatni. Hann segir veginn, heimreiðina, bílbæra en vatn liggur víða yfir hann.
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.