Frábær berjaspretta í Fljótum
„Hún er bara hreint út sagt frábær,“ segir Trausti Sveinsson ferðaþjónustubóndi á Bjarnargili í Fljótum aðspurður um berjasprettuna þar í sveit. Trausti tíndi ber í eftirrétt fyrir gesti sína síðustu helgina í júlí og segir þau síst hafa verið smærri en undanfarin ár, enda sé snjórinn sem var í vetur berjunum raunar hagstæður.
Trausti kíkti til berja í gær og hafði þá ekki farið í hálfan mánuð. Hann segir allt vera svart af krækiberjum en mjög lítið hafi verið af þeim í fyrra. „Og bláberin eru alveg upp í Fanndalakletta sem ég hef aldrei séð áður,“ segir Trausti. „Síðasti snjórinn innan girðingar er að hverfa núna í dag, 16. ágúst. Ég á ekki von á að snjórinn fari alveg úr fjöllum, það þarf þá að vera mjög hlýtt fram í október, nóvember."
Trausti segir bláberin í ár vera stór, safarík og falleg. „Hér er gríðarlega mikið af grænjaxlabreiðum og ef þau ná að stækka og þroskast verða þau orðin stór og fín um mánaðarmótin, segir Trausti en bætir því við að nú þegar sé vel hægt að handtína bláberin, það séu fín ber inn á milli.
Trausti rekur ásamt konu sinni Sigurbjörgu Bjarnadóttur ferðaþjónustu á Bjarnargili. Hann segir algengt að fólki komi í fjölskylduferðir þar sem gönguferðum og berjatínslu sé tvinnað saman. Í fyrra kom t.a.m. stór hópur að Bjarnargili þar sem voru á ferðinni fjölskyldur menntaskólavina sem höfðu haldið vinskap í gegnum tíðina og naut þess að koma út á land og eyða tímanum út í náttúru með börnunum. Hægt er að panta berjaferðir á heimasíðu og fésbókarsíðu Bjarnargils.
Trausti segir snjóþunga vetur og góða berjasprettu hafa farið saman í gegnum tíðina. Samspil mikillar sólar og þurrka setji hins vegar strik í reikninginn og það að viðbættum hlýindum í apríl og maí geri það að verkum að lyngið eyðileggist af völdum þurrka og birkifeta, líkt og raunin var fyrir fáeinum árum. „Nú er hins vegar búið að laufgast grænt og fallegt nýtt lyng sem er hefur jafnað sig eftir þær skemmdir. Í fyrra spruttu engin ber nema móti norðaustri,“ segir Trausti.
Sjálfur er Trausti öflugur við berjatínslu og týndi t.a.m. 450 lítra í fyrra sem hann seldur suður. Hann segist mest hafa komist í að tína 110 lítra á einum degi. Trausti segist þú þurfa að huga að því að selja berin beint frá býli, enda sé tínslan og hreinsunin tímafrek og mest sé að hafa út úr milliliðalausri sölu.
Fleiri fréttir
-
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira -
Vel heppnuð vinnustofa um íþróttir fatlaðra
feykir.is Skagafjörður, Íþróttir, Mannlíf, Lokað efni 14.06.2025 kl. 20.04Í byrjun mánaðar héldu Ungmennasamband Skagafjarðar (UMSS), Svæðisstöðvar íþróttahéraða og Íþróttasamband fatlaðra (ÍF) sameiginlega vinnustofu um íþróttir fyrir fatlaða á Sauðárkróki. Vinnustofan var fyrir foreldra, forsjáraðila, íþróttaþjálfara, starfsfólk skóla og áhugafólk um íþróttir í sveitarfélaginu. „Vinnustofan var vel sótt og greinilegt að mikil þörf var á þessum viðburði. Miklar og góðar umræður sköpuðust um íþróttir fatlaðra í Skagafirði. Það verður gaman að vinna úr þeim punktum sem fram komu og koma þeim í farveg,“ segir Halldór Lárusson, svæðisfulltrúi íþróttahéraða á Norðurlandi vestra.Meira -
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira
