Frábær sigur á Þorlákshöfnurum í Powerade-bikarnum
Tindastóll bar sigurorð af liði Þórs frá Þorlákshöfn í Síkinu í kvöld. Gestirnir höfðu lengstum forystu í leiknum en Stólarnir voru sterkari í lokafjórðungnum og Maurice Miller innsiglaði sigurinn með tveimur vítum undir lok leiks. Lokatölur 78-76 og heimamenn því komnir í 8 liða úrslitin í Powerade-bikarnum.
Þórsarar voru skrefinu á undan í fyrsta leikhluta og höfðu fimm stiga forystu að honum loknum, 15-20. Búbbarnir voru snöggir að jafna í byrjun annars leikhluta en áfram voru það gestirnir sem höfðu frumkvæðið og náðu muninum í mest 7 stig skömmu fyrir hlé en Miller setti niður víti áður en fyrri hálfleikur var úti og staðan 36-42.
Bretinn Luttman gerði fyrstu stigin í þriðja leikhluta en Þórsarar gáfu ekkert eftir, Hairston setti niður tvær 3ja stiga körfur á stuttum tíma og jók muninn í 8 stig. Hart var barist og Stólarnir reyndu að klóra í bakkann en gestirnir enduðu þriðja leikhluta sterkt, komust í 49-59 en Miller setti 2 stig áður en leikhlutinn var úti. Svabbi setti niður þrist í byrjun fjórða leikhluta og Miller og Hreinsi settu niður sitthvort vítasettið og munurinn kominn í 1 stig. Næstu 7 stig gerðu hinsvegar gestirnir og síðan tók við 3ja mínútna kafli þar sem liðunum gekk ekkert að skora. Curtis Allen braut ísinn fyrir heimamenn sem minnkuðu síðan muninn í 3 stig, 63-66.
Gestirnir bættu við tveimur stigum en svo kom þáttur Hreinsa Birgis, hann setti niður tvö 3ja stiga skot með stuttu millibili og kom Stólunum yfir í fyrsta skipti síðan snemma í öðrum leikhluta. Nú voru um þrjár mínútur eftir af leiknum og staðan 69-68 og í framhaldinu skiptust liðin á um að hafa forystuna. Þröstur Leó setti síðan niður þrist og kom heimamönnum í 74-72 og svo bætti Miller við tveimur vítum. Þórsarar gáfust ekki upp og náðu að jafna 76-76 en Miller setti niður tvö víti til viðbótar og tryggði heimamönnum sætan sigur, 78-76.
Stig Tindastóls: Miller 22, Svabbi 12, Allen 12/11 fráköst, Luttman 8, Hreinsi 8, Rikki 6, Þröstur 5, Helgi Freyr 3 og Helgi Rafn 2/9 fráköst.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
