Fræðsludegi 2020 í Skagafirði aflýst
Til stóð að hinn árlegi fræðsludagur skólanna í Skagafirði yrði haldinn síðastliðinn mánudag, 17. ágúst, í Miðgarði í Varmahlíð. Því miður varð að aflýsa fræðsludeginum í þetta sinn vegna fjöldatakmarkana sem í gildi eru vegna Covid 19. Kom þetta fram á heimasíðu Sveitarfélags Skagafjarðar í vikunni, en von var á u.þ.b. 230 þátttakendum, starfsfólki úr leik-, grunn- og Tónlistarskóla Skagafjarðar, starfsfólki Fjölbrautaskóla Norðurlands vestra og starfsfólki Farskólans, miðstöðvar símenntunar á Norðurlandi vestra.
Í tilkynningunni segir: „Búið var að skipuleggja þétta dagskrá sem samanstóð m.a. af ýmsum áhugaverðum erindum á sal en einnig fjölmörgum málstofum þar sem starfsfólk skólanna ætlaði að miðla af reynslu sinni. Meðal erinda sem voru á dagskrá má nefnda erindið „Þú hefur áhrif“ sem Anna Steinsen, eigandi og þjálfari á námskeiðum hjá KVAN, ætlaði að sjá um. Sólveig Rósa Davíðsdóttir, sálfræðingur, ætlaði að fjalla um geðheilbrigði barna og ungmenna. Bryndís K. Þráinsdóttir, framkvæmdastjóri Farskólans, hugðist kynna starfsemi Farskólans, fræða um fullorðins- og framhaldsfræðslu og ræða um hvað einkennir fullorðna námsmenn. Einnig var búið að skipuleggja samtals tólf fjölbreyttar málstofur sem starfsfólk hefði val um að taka þátt í eftir áhugasviði.“
„Eitt af verkefnum starfsfólks Fræðsluþjónustu Skagfirðinga ár hvert hefur verið að skipuleggja og undirbúa fræðsludag skólanna í Skagafirði. Sem sjá má stefndi í afar áhugaverðan dag nú í ár. Við stefnum ótrauð að fræðsludegi í ágúst 2021 og getum þá vonandi nýtt okkur eitthvað að þeim áhugaverðu erindum og málstofum sem til stóð að fræðast um í dag,“ segir jafnframt í tilkynningunni.
Hér má sjá málstofur sem til stóð að væru í boði á fræðsludegi 2020:
- Málörvun eins til þriggja ára barna.
- Jákvæð sálfræði í skólastarfi.
- Líðan ungmenna með hliðsjón af COVID 19.
- Frístundir barna og ungmenna.
- Reynsla þín er mikils virði. Kynning á ráðgjöf og raunfærnimati fyrir fullorðna.
- Símenntun almennra starfsmanna skólanna, kynning á námsleiðum.
- Málstofa fyrir starfsfólk mötuneyta.
- Seesaw verkefnamöppur til að halda utan um allt nám og feril barna frá leikskóla til loka grunnskóla.
- Mikilvægi tónlistar í uppeldi barna.
- Námsframboð fyrir fullorðna við FNV.
- Kynning á M.ED. lokaverkefni. Notað og nýtt í textílmennt: Samvinna kennara um þróun kennsluverkefna til aukinnar sjálfbærni.
- Samvinna tónlistarskóla og framhaldsskóla í tónlist.
/SHV
Fleiri fréttir
-
Útgáfuhóf Sýslu- og sóknalýsinga Húnavatnssýslu haldið í Breiðholtskirkju
feykir.is Austur-Húnavatnssýsla, Vestur-Húnavatnssýsla, Listir og menning 16.10.2025 kl. 14.54Útgáfuhóf vegna endurskoðaðrar útgáfu Sýslu- og sóknalýsinga Húnavatnssýslu fór fram laugardaginn 11. október sl. í safnaðarheimili Breiðholtskirkju. Sögufélag stóð að viðburðinum í samstarfi við Húnvetningafélagið í Reykjavík og var dagskráin bæði fjölbreytt og fróðleg.Meira -
2.7% hækkun á gjaldskrá leikskóla í Skagafirði
feykir.is Skagafjörður, Lokað efni 16.10.2025 kl. 14.37Byggðarráð Skagafjarðar samþykkti samhljóða á fundi sínum 15. október framlagðar breytingar fræðslunefndar á gjaldskrá leikskóla í Skagafirði fyrir árið 2026. Lögð var fram tillaga að 2,7% hækkun dvalargjalda, fæðisgjalda og skráningardaga leikskóla sem er í samræmi við verðlagsbreytingar út frá þjóðhagsspá Hagstofu Íslands.Meira -
Vantar þig stuðning?
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 16.10.2025 kl. 13.22Ráðgjafi frá Ráðgjafarþjónustu Krabbameinsfélagsins verður á Sauðárkróki fimmtudaginn 23. október. Viðtölin verða á Heilbrigðisstofnun Norðurlands á Sauðárkróki. Viðtölin eru í boði bæði fyrir einstaklinga sem greinst hafa með krabbamein, aðstandendur og syrgjendur.Meira -
Njarðvíkingar unnu öruggan sigur
feykir.is Skagafjörður, Íþróttir, Lokað efni 16.10.2025 kl. 11.47Stólastúlkur léku við Njarðvík í Njarðvík í gærkvöldi og lutu í lægra haldi gegn sterkum andstæðing. Enn vantaði Alejöndru og Rannveigu í lið Tindastóls og Martín mætti því á ný til leiks með átta leikmenn á skýrslu. Heimaliðið náði forystunni strax í byrjun og lét hana aldrei af hendi og hafði í raun betur í öllum fjórum leikhlutunum. Lokatölur 92-70.Meira -
363 nemendur Árskóla sprettu úr spori
feykir.is Skagafjörður, Mannlíf, Lokað efni 16.10.2025 kl. 10.01Í gær tóku nemendur Árskóla þátt í Ólympíuhlaupi ÍSÍ. Á heimasíðu Árskóla segir af því að yngsta stigið hljóp 2,5 km, unglingastigið 4,5 km og miðstigið valdi á milli vegalengdanna, flest fóru 4,5 km. Hlaupið tókst vel í góðu veðri og tóku allir bekkir þátt.Meira
