Fræðslufundur Alzheimersamtakanna á Sauðárkróki
Nýlega héldu Alzheimersamtökin opinn fræðslufund á Sauðárkróki. Sirrý Sif Sigurlaugardóttir er fræðslu- og verkefnastjóri hjá samtökunum en þess má geta að móðir hennar er Sigurlaug Jónsdóttir frá Flugumýri. Hún segir aðsókn á fundinn hafa verið mjög góða en það voru fulltrúar samtakanna hér á svæðinu, þær María Ásgrímsdóttir, félagsliði, og Helga Sigurbjörnsdóttir, aðstandandi einstaklings með heilabilun, sem sáu um undirbúning og skipulag fundarins.
Á dagskrá fundarins var kynning á starfsemi Alzheimersamtakanna sem Sirrý Sif sá um, kynning á Memaxi samskiptakerfi og sjónarhorn aðstandanda 
frá Guðbjörgu Árnadóttur yfirhjúkrunarfræðingi á D5 á HSN. Aðalsteinn Ísfjörð lék á harmonikku við upphaf fundar og í lokin. Aðalsteinn, sem er með Alzheimer, þandi nikkuna af mikilli fimi og bauð gestum að taka undir í nokkrum lögum. Margir gestanna notuðu tækifærið og gerðust félagar í samtökunum.
Fundurinn á Sauðárkróki var liður í fræðslustarfsemi Alzheimersamtakanna víðsvegar um landið. Að sögn Sirrýar hefur umræðan um heilabilunarsjúkdóma verið að opnast mikið undanfarin ár sem sé mjög mikilvægt þar sem aukin fræðsla hjálpi mikið til við alla umönnun sjúklinganna. Í apríl næstkomandi munu samtökin svo standa fyrir námskeiði á Sauðárkróki fyrir starfsfólk sjúkrahússins og dvalarheimilisins.
Alzheimersamtökin reka tengslanet á landsbyggðinni og eru nú starfandi tenglar á 14 stöðum á landinu og unnið er að frekari þéttingu netsins. Tenglar starfa hver í sínu nærumhverfi, á eigin vegum og/eða í samvinnu við Alzheimersamtökin. Á heimasíðu Alzheimersamtakanna má kynna sér tengslanetið ásamt því að finna ýmsan fróðleik um heilabilun og lífið með þess háttar sjúkdómum auk upplýsinga um starfsemi samtakanna.
Myndir frá fundinum Á Sauðárkróki má skoða á facebooksíðu samtakanna með því að smella hér.
Fleiri fréttir
-
Stefnir á matvælafræði í haust en Listaháskólinn heillar líka
feykir.is Skagafjörður, Lokað efni 03.05.2025 kl. 09.00Hákon Snorri Rúnarsson er fæddur á Sauðárkróki árið 2006, sonur hjónanna Sólveigar B. Fjólmundsdóttur og Rúnars S. Símonarsonar. Í vor útskrifast Hákon af Heilbrigðisfræðibraut Menntaskólans á Akureyri og hefur Hákon verið ansi virkur í félagslífinu með náminu og hefur hann látið til sín taka í stórum uppsetningum Leikfélagsins í skólanum. Feykir spjallaði við Hákon og forvitnaðist um hvað hann er búinn að vera að brasa og hvað sé framundan hjá þessum hæfileikaríka unga manni.Meira -
Hagnaður KS var 3,3 milljarðar á síðasta ári
feykir.is Skagafjörður, Lokað efni 02.05.2025 kl. 15.28Aðalfundur Kaupfélags Skagfirðinga fyrir rekstrarárið 2024 var haldinn í Menningarhúsinu Miðgarði í Varmahlíð þann 10. apríl 2025 og hófst kl. 12:00 með hádegisverði. Fram kom á fundinum að rekstartekjur síðasta árs voru um 55 milljarðar og höfðu hækkað um tvo milljarða frá fyrra ári. Rekstarhagnaður fyrir afskriftir og fjármagnsliði, svokölluð EBITDA, var 7,4 milljarðar sem er lækkun um tæpan milljarð frá fyrra ári, en það ár var besti rekstrarárangur í sögu félagsins.Meira -
Skemmtileg kvöldstund í Bifröst | Kíkt í leikhús
feykir.is Skagafjörður, Aðsendar greinar, Listir og menning 02.05.2025 kl. 15.14Undirritaðar brugðu undir sig betri fætinum og renndu á krókinn í vor blíðunni til að sjá uppfærslu Leikfélags Sauðárkróks á farsanum Flæktur í netinu eftir Ray Cooney í leikstjórn Valgeirs Skagfjörð. Fínasta útfærsla og skemmtileg kvöldstund.Meira -
Tengiráðgjafi ráðinn í Húnaþingi vestra
feykir.is Vestur-Húnavatnssýsla, Lokað efni 02.05.2025 kl. 12.00Húnaþing vestra tók þátt í spennandi tilraunaverkefni með ráðningu tengiráðgjafa og er það Elísabet Eir Steinbjörnsdóttir sem er starfandi tengiráðgjafi Húnaþings vestra og vinnur hún einnig að verkefninu Gott að eldast í samstarfi við Heilbrigðisstofnun Vesturlands.Meira -
Fjáröflun - bílaþvottur
feykir.is Skagafjörður, Austur-Húnavatnssýsla, Vestur-Húnavatnssýsla 02.05.2025 kl. 11.40Er þetta ekki eitt af því leiðinlegasta sem að maður gerir sjálfur, að tjöruhreinsa og þrífa bílinn að utan... er þá ekki tilvalið að nýta sér þessa flottu fjáröflun sem Barna og unglingaráðið í knattspyrnudeildinni ætlar að bjóða upp á föstudaginn 8. maí. Pantanir fara fram í gegnum þannan lin hér eða með tölvupósti á e-mailið fotbolti.unglingarad@tindastoll.isMeira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.