Frelsi með ábyrgð
Fall bankanna hefur velt við mörgum steinum. Margt miður fallegt hefur litið dagsins ljós, svo sem sjálftaka eigenda og stjórnenda bankanna. En fall bankanna hefur líka vakið fólk, góðu heilli, til umhugsunar um stjórnmálastefnur, ábyrgð stjórnmálamanna og vinnubrögð. Í ljósi þeirrar staðreyndar að Sjálfstæðisflokkurinn hefur lengi verið við völd, hafa andstæðingar okkar reynt að koma þeim kvitti af stað að stefna flokksins sé ekki góð og í raun úr sér gengin.
Það er öðru nær og stenst enga skoðun. Grunnstefið í stefnu Sjálfstæðisflokkurinn er „frelsi með sjálfstæði einstaklingsins að leiðarljósi“. Frelsi og ábyrgð eru systur sem ekki mega skiljast að. Þessi afstaða er grundvöllur stefnu flokksins. Að einstaklingurinn njóti frelsis til að þroska hæfileika sína í samfélagi þar sem allir hafa jöfn tækifæri. Stétt með stétt. Með þessu móti dafna fyrirtæki og einstaklingar, samfélaginu öllu til heilla. Stefna Sjálfstæðisflokksins kveður á um lágmarks ríkisafskipti, en jafnframt að styðja skuli þá sem þess þurfa með. Að samfélagið hjálpi sínum minnstu bræðrum og systrum. Stefna Sjálfstæðisflokksins er yfirburða leiðarvísir um hvernig samfélagið skuli vera. En sé stefnunni ekki framfylgt er voðinn vís.
Stefna flokksins varð ekki „gjaldþrota“ Í grunninn hafa íslensk stjórnmál of lengi haft tilhneigingu til að snúast um völd en ekki hugsjónir. Sjálfstæðisflokkurinn hefur nú, einn flokka á Íslandi, hafið gagnrýna sjálfsskoðun á eigin mistökum og andvaraleysi. Ég hef leitt þann hluta endurreisnarnefndar Sjálfstæðisflokksins sem nefnist „Uppgjöri og lærdómi“. Niðurstaða okkar er sú að benda einfaldlega á hvar Sjálfstæðisflokkurinn hefur gert mistök og viðurkenna þau. Þeirri vinnu er ekki lokið. Með þessu móti er Sjálfstæðisflokkurinn að taka ábyrgð á þeim þáttum íslensks efnahagshruns sem honum ber. Fer sambærilegt starf fram í öðrum flokkum? Er fólk þar að athuga sinn gang, gagnrýna sína stefnu og stjórnendur fyrir andvaraleysi og mistök? Nei. Þar á að fara fram með sama graut í sömu skál. Þar á að halda áfram eins og ekkert hafi í skorist.
Stefna Sjálfstæðisflokksins er í raun eini boðlegi valkostur Íslendinga, ef undan er skilin hentistefna Framsóknar, haftastefna VG og Evrópustefna Samfylkingar.
Á Alþingi verður að veljast fólk sem þorir að hafa skoðanir og berst fyrir stefnu Sjálfstæðisflokksins.
Ég vonast til þess að kjósendur Sjálfstæðisflokksins í prófkjöri Norðvesturkjördæmis treysti mér til þess.
Sigurður Örn Ágústsson,
frá Geitaskarði, A-Hún.
Fleiri fréttir
-
Allir að róa í sömu átt
feykir.is Skagafjörður, Íþróttir, Lokað efni 06.05.2025 kl. 15.38Í gærkvöldi varð ljóst hverjir andstæðingar Tindastóls verða í einvíginu um Íslandsmeistaratitilinn í körfunni. Þá áttust Stjarnan og Grindavík við í oddaleik en leikir liðanna höfðu verið æsispennandi og það varð engin breyting á því í gær. Það var lið Stjörnunnar sem hafði betur eftir dramatík í lokin. Fyrsti leikurinn í einvígi Tindastóls og Stjörnunnar verður í Síkinu á fimmtudaginn.Meira -
Háholt er ekki heldur inni í myndinni hjá Guðmundi Inga
feykir.is Skagafjörður, Lokað efni 06.05.2025 kl. 13.24Ráðherra barnamála, Guðmundur Ingi Kristinsson, er á sömu skoðun og fyrrverandi barnamálaráðherra, Ásthildur Lóa Þórsdóttir, varðandi vistun barna í Háholti í Skagafirði og telur Háholt ekki koma til greina sem meðferðarheimili fyrir börn. Í frétt á vef RÚV segir að neyðarvistun, afplánun og gæsluvarðhald verði áfram á Stuðlum.Meira -
Söngskemmtun á Löngumýri
feykir.is Skagafjörður, Austur-Húnavatnssýsla, Vestur-Húnavatnssýsla 06.05.2025 kl. 08.28Sönghópur félags eldri borgara í Skagafirði heldur söngskemmtun á Löngumýri í Skagafirði sunnudaginn 11. maí 2025 kl. 15:00. Aðgangur kr. 3.000,- enginn posi. Verið velkomin. StjórninMeira -
Grunnskóli Húnaþings vestra í úrslit
feykir.is Skagafjörður, Vestur-Húnavatnssýsla, Lokað efni 05.05.2025 kl. 15.27Það má segja að mjótt hafi verið á munum þegar Grunnskóli Húnaþings vestra sigraði í sínum riðli í Skólahreysti í síðustu viku. Lið skólans hlaut 42 stig og komst áfram í úrslit Skólahreystis.Meira -
Umhverfisdagur á Skagaströnd 8. maí
feykir.is Austur-Húnavatnssýsla, Mannlíf, Lokað efni 05.05.2025 kl. 15.21Fimmtudaginn 8. maí kl. 16:00 - 18:00 ætla Skagstrendiingar að taka saman höndum og týna rusl í bænum sínum. „Við ætlum að hittast í áhaldahúsinu þar sem skipað verður í leitir (ruslaleitir) og afhentir pokar. Allir sem vettlingi geta valdið, fullorðnir sem börn, eru hvattir til að koma og taka þátt,“ segir í skilaboðum frá Helenu Mara, Sigríði Björk og Gígju Heiðrúnu á vef Skagastrandar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.