Fuglaskoðarinn - Stefán Sturla Sigurjónsson
Brottflutti Skagfirðingurinn, Stefán Sturla Sigurjónsson, sendi frá sér spennubókina Fuglaskoðarinn fyrir þessi jól. Bókin fjallar um dularfullan dauða ungs manns sem er hugfanginn af fuglum. Þegar betur er að gáð kemur í ljós að ekki er allt með felldu í fortíð piltsins. Rannsóknarlögreglukonunnar Lísu og hjálparmanna hennar bíður flókið púsluspil og þau fletta ofan af vafasömum flötum samfélagsins suður með sjó.
Stefán Sturla Sigurjónsson er fæddur í Reykjavík 4. júní árið 1959. Hann stundaði nám í húsasmíði við Fjölbrautarskólann í Breiðholti, búfræði við Búnaðarháskólann á Hvanneyri og leikari frá leiklistarskóla Íslands.
Á unglingsárum Stefáns flutti fjölskyldan á Krókinn. Móðir Stefáns er Sólveig Stefánsdóttir, gjarnan kennd við Miðsitju og faðir Sigurjón Valdimarsson en hann var einn af stofnendum Eiðfaxa og fyrsti ritstjóri þess. Hann var einnig einn stofnenda gæðingadómarafélagsins og fyrsti formaður þess.
Eftir Stefán Sturlu hafa komið út tvær barnabækur, Trjálfur og Mimmli (2000) og Alína, tönnin og töframátturinn (2007). Hann hefur einnig skrifað leikrit, söngleiki og gerði borðspilið Spurningaspilið Ísland (2002). Hann hefur verið þáttastjórnandi bæði fyrir útvarp og sjónvarp.
Stefán hefur ýmist leikið eða leikstýrt við leikhús landsins, í kvikmyndum og sjónvarpi en með Leikfélagi Sauðárkróks lék hann áður en hann hóf nám í leiklist og að sjálfsögðu hefur hann komið nokkrum sinnum til heim og unnið með leikfélaginu.
Stefán býr og starfar í Vasa í Finnlandi síðan 2006. Þar stóð hann að íslenskri listahátíð árið 2009 þar sem flutt voru íslensk verk í leikhúsum borgarinnar, LA kom með gestasýningu, sinfóníuhljómsveit borgarinnar flutti íslensk verk í samvinnu við Caput undir stjórn Guðna Franzsonar, myndlistasýningar voru í söfnum borgarinnar, rithöfundar kynntu verk sín og íslenskar kvikmyndir sýndar í kvikmyndahúsunum. Í Vasa hefur Stefán starfað sem leikari og leikstjóri, m.a. hefur hann leikstýrt Blá hnettinum (Borgarleikhúsið í Vasa) eftir Andra Snæ Magnason og Græna landinu (Wasa Teater sem er sænskumælandi leikhús borgarinnar) eftir Ólaf Hauk Símonarson.
Stefán segir að hugmyndin að Fuglaskoðaranum hafi kviknað fyrir um fimm árum. En efnið í margar persónur og saga þeirra hefur verið í þróun í meira en tíu ár.
Var eitthvað sem kom þér á óvart við gerð bókarinnar?
„Vegna mikils undirbúnings og að ég hafði góðan tíma til að sitja við skriftir kom fátt mér á óvart við skrif þessarar bókar, kannski þó helst hvað það var gaman að skrifa spennusögu.“
Fleiri fréttir
-
Hestamenn slá botninn í Sæluvikuna
feykir.is Skagafjörður, Íþróttir, Mannlíf, Lokað efni 01.05.2025 kl. 13.51Það fer vel á því að Sæluviku Skagfirðinga endi á hátíð hestamanna en á laugardaginn verður sýningin Tekið til kostanna í Reiðhöllinni Svaðastöðum og hefst kl. 19:00. Kvöldið áður dregur til tíðinda í Mesitaradeild KS þegar lokamótið fer fram í Svaðastaðahöllinni en keppt verður í tölti og Fluguskeiði. Þessu má auðvitað ekki nokkur maður missa af. Feykir lagði nokkrar spurningar fyrir Sigurlínu Erlu Magnúsdóttur sem stjórnar þessu öllu saman.Meira -
Skörungur í sögu verkalýðsbaráttunnar | Álfhildur Leifsdóttir skrifar
feykir.is Skagafjörður, Aðsendar greinar 01.05.2025 kl. 13.001.maí hefur löngum verið dagur samstöðu, baráttu og vonar. Þetta er dagur verkalýðsins sem hefur lengi barist fyrir betri kjörum, styttri vinnudegi, mannsæmandi launum og auknu öryggi á vinnustöðum. En þessi dagur er líka áminning um að baráttan er ekki búin, hún heldur áfram í nýjum myndum, með nýjum áskorunum og nú á Kvennaári 2025 hefur hún aldrei verið mikilvægari.Meira -
Starf skólameistara við FNV laust til umsóknar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.05.2025 kl. 10.41Mennta- og barnamálaráðuneytið auglýsir embætti skólameistara Fjölbrautaskóla Norðurlands vestra laust til umsóknar. Skólanum hefur haldist ákaflega vel á sínum skólameisturum sem hafa frá stofnun aðeins verið tveir; fyrst Jón F. Hjartarson en hann stýrði skólanum allt þar til sumarið 2011 að Ingileif Oddsdóttir tók við taumunum.Meira -
Logi vill efla styrki til fjölmiðla á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 30.04.2025 kl. 15.50Í Spursmálum Mbl.is er haft eftir Loga Einarssyni menntamálaráðherra að hann hyggist auka við styrki minni fjölmiðla úti á landi, á kostnað tveggja stærstu einkareknu miðlanna, til þess að styrkja sjálfsmynd fólks á landsbyggðinni.Meira -
Skólahreysti hefst í dag
feykir.is Skagafjörður, Vestur-Húnavatnssýsla 30.04.2025 kl. 15.00Fyrstu tveir riðlar í Skólahreysti 2025 verða í dag miðvikudaginn 30. apríl á Akureyri og fara þeir fram í Íþróttahöllinni kl. 17.00 og kl. 20.00 í beinni útsendingu á RÚV. Í fyrri riðli kvöldsins keppa Árskóli, Varmahlíðarskóli og Gr. Húnaþings vestra ásamt fimm öðrum skólum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.