Fundað með ráðherrum og þingmönnum um aðkomu að sameiningu sveitarfélaga í Austur-Húnavatnssýslu
Oddvitar og sveitarstjórar sveitarfélaganna í Austur- Húnavatnssýslu áttu, um miðjan síðasta mánuð, fundi með Þórdísi Kolbrúnu Reykfjörð Gylfadóttur, ferða-, iðnaðar- og nýsköpunarráðherra, Sigurði Inga Jóhannssyni, samgöngu- og sveitarstjórnarráðherra og Kristjáni Þór Júlíussyni, sjávarútvegs- og landbúnaðarráðherra. Einnig var fundað með fjórum þingmönnum Norðvesturkjördæmis þeim Haraldi Benediktssyni, Bergþóri Ólasyni, Höllu Signýju Kristjánsdóttur og Sigurði Páli Jónssyni.
Tilgangur fundanna var að ræða aðkomu Alþingis og ríkisstjórnar að sameiningu sveitarfélaga í Húnavatnssýslu og helstu hagsmunum svæðisins í atvinnu- byggða- og samgöngumálum. Í minnisblaði frá fundinum segir að ráðherrar hafi tekið vel á móti hópnum, sýnt verkefninu góðan skilning og lofað að styðja við sjónarmið Húnvetninga eftir bestu getu. Í forgangi var að ræða verkefni sem heyra undir verksvið hvers ráðherra.
Meðal þess sem rætt var á fundunum var áhersla á stuðning við uppbyggingu ferðaþjónustu í Austur- Húnavatnssýslu og styrkingu raforkuflutningskerfis jafnframt því sem lagt var til að sett verði af stað sérstakt verkefni til atvinnu- og byggðaþróunar á svæðinu. Rætt var um mikilvægi þess að styrkja starfsumhverfi bænda í ljósi þess að Austur-Húnavatnssýsla er rótgróið matvælaframleiðslusvæði sem á í erfiðri varnarbaráttu. Einnig lýstu fulltrúar sveitarfélaganna vonbrigðum sínum með að aðeins sé gert ráð fyrir framlögum til hönnunar Skagastrandarvegar á þessu ári en engin framlög séu til framkvæmda á næsta ári skv. fyrirliggjandi áætlun. Einnig lýstu sveitarfélögin kröfum sínum til aukinna framlaga til uppbyggingar héraðs- og tengivega og ósk um aukna aðkomu að ákvörðunum og forgangsröðun.
Á fundi með þingmönnum kjördæmisins kom fram að fyrirliggjandi er nefndarálit meirihluta umhverfis- og samgöngunefndar þar sem lagt er til að tilteknum framkvæmdum verði flýtt í samræmi við fjárfestingarátak 2020. Þar er lagt til að framkvæmdum við Skagastrandarveg um Laxá verði flýtt um tvö ár. Á þessu ári er fyrirliggjandi 100 mkr. fjárheimild til hönnunar og gerð útboðsgagna. Verði fjárfestingarátakið samþykkt á Alþingi í haust er gert ráð fyrir framlagi að fjárhæð 1.000 mkr. á árinu 2021 og 600 mkr. á árinu 2022.
Þingmenn hvöttu Húnvetninga til að setja saman tillögur að tveimur tilraunaverkefnum, annars vegar um forgangsröðun framkvæmda við héraðs- og tengivegi og hins vegar við atvinnu- og byggðaþróun. Lýstu þeir áhuga á að styðja við slík verkefni.
Ýtarlegri fréttir af fundunum má nálgast á vefnum Sameining Austur-Húnavatnssýslu, https://sameining.huni.is/
Fleiri fréttir
-
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.