Fyllt upp í 4,5 km af skurðum á Gottorp
Einar Bárðarson, framkvæmdastjóri Votlendissjóðs, hefur sótt um framkvæmdaleyfi fyrir endurheimt votlendis á jörðinni Gottorp í Húnaþingi. Á svæðinu sem um ræðir, eru skurðir sem áætlað er að séu alls 4,5 km að lengd.
Í fundargerð skipulags- og umhverfisráðs Húnaþings vestra frá því í síðustu viku kemur fram að fyrirhugað sé að fylla upp í hluta þessara skurða að fullu með uppgreftri, sem að þeim liggur, en í öðrum skurðum er áætlað að gera litlar „stíflur“ með reglulegu millibili. Þjappað verður ofan í skurðstæði svo fyllingar skolist ekki til og hliðargróður skurða og ofan af ruðningum notað til að þekja yfir rastasvæði. Stærð framkvæmdasvæðis er um 33 ha.
Votlendissjóður endurheimti votlendi á fjórum jörðum árið 2019 og segir á heimasíðu sjóðsins það vera í heildina 72 hektarar. Er þar tekið dæmi um að það nemi stöðvun útblásturs 1.440 tonnum á þessu ári og það margfaldað í átta ár þá alls 11.520 tonn af CO2 ígildum sem hætta að fara út í andrúmsloftið. „Það er sambærilegt því að við myndum taka 720 bíla úr umferð í ár. Það magn á ári samsvarar svo 5760 fólksbílum í 8 ár. Það munar sannarlega um það. Framundan eru mjög spennandi tímar hjá Votlendissjóð,“ segir á votlendi.is.
Votlendissjóður hélt ársfund sinn fyrir árið 2019 11. júní sl. þar sem lögð var fram árskýrsla sjóðsins sem má lesa HÉR.
Fleiri fréttir
-
Jólatréssalan á Eyrinni komin í gang
feykir.is Skagafjörður 17.12.2025 kl. 16.36Jólatréssala körfuknattleiksdeilar Tindastóls fór í gang í dag og nú er ekkert annað í stöðunni en mæta á sama gamla góða staðinn á Eyrinni, hitta fyrir eldhressa körfuboltamenn og fara heim með jólin í skottinu – enda ekkert betra en ilmurinn af lifandi tré yfir jólin.Meira -
Stelpurnar fengu KR en strákarnir Snæfell
feykir.is Skagafjörður, Íþróttir, Lokað efni 17.12.2025 kl. 16.14Dregið var í átta liða úrslit VÍS bikarsins í körfuknattleik í hádeginu í dag. Tindastóll átti lið í pottunum báðum þar sem bæði karla- og kvennalið félagsins höfðu unnið leiki sína sl. sunnudag. Stelpurnar fengu heimaleik gegn spræku liði KR og þar verður væntanlega hart barist. Leið karlaliðsins í fjögurra liða úrslit ætti að vera nokkuð örugg þar sem Stólarnir fengu útileik gegn 1. deildar liði Snæfells.Meira -
Heimismenn sjálfir í aðalhlutverki
feykir.is Skagafjörður 17.12.2025 kl. 10.25Karlakórinn Heimir heldur sína árlegu áramótatónleika í Miðgarði þann 28. desember næstkomandi. Af því tilefni hafði blaðamaður samband við Atla Gunnar Arnórsson formann kórsins, til þess að forvitnast um tónleikana og starfsemi kórsins í haust og vetur.Meira -
Jólamót Molduxa haldið enn og aftur
feykir.is Skagafjörður, Íþróttir 17.12.2025 kl. 09.47Jólamót Molduxa verður haldið samkvæmt venju annan dag jóla en mótið er í hugum margra ómissandi þáttur í jólahefð Skagfirðinga. Samkvæmt bestu vitund talnagleggstu Molduxa er þetta mót það 32. sem haldið er.Meira -
Síðasti Feykir ársins 2025 kominn úr prentun
feykir.is Skagafjörður, Austur-Húnavatnssýsla, Vestur-Húnavatnssýsla 17.12.2025 kl. 09.40Þá er kominn út síðasti Feykir ársins 2025. Svokallað jólakveðjublað enda fullt af jólakveðjum og auglýsingum og sennilega hefur þetta síðasta blað fyrir jól aldrei verið stærra, heilar 36 síður. Að sjálfsögðu er blaðið stútfullt af áhugaverðum umfjöllunum og viðtölum. Blaðið fer í drefingu í dag en er þegar opið í rafrænni áskrift.Meira
