Fyrsta Druslugangan á Sauðárkróki heppnaðist vel
Í gær, laugardaginn 23. júlí, var gengin fyrsta Druslugangan á Sauðárkók fyrir tilstilli Tönju M. Ísfjörð
En gamanið byrjaði þó kvöldið áður um klukkan átta þegar hist var á Grand-inn bar, þar sem fram fór svo kalla prepp-kvöld, þar sem gerð voru skilti fyrir gönguna og stemmingin var góð.
Daginn eftir var hist við Árskóla, klukkan hálf tólf, þar sem í boði var að kaupa varning og frá útdeilt skilti til að bera í göngunni. Rúmlega 60 manns voru mætt á svæðið og klukkan tólf var þrammað af stað í fylgd lögreglu niður Skagfirðingabrautina og staðar numið fyrir framan lögreglustöðina þar sem kölluð voru nokkur vel valin orð. Göngunni var svo haldið áfram niður á planið hjá Kaffi Krók og þar sem Tanja tók fyrst til máls og talaði meðal annars um að gangan væri líklega mikilvægari í litlum samfélögum en í þeim stærri. Henni fylgdu svo Aðalheiður Alenu Jóhannsdóttir með ljóð, Ólöf Tara með ræðu, Erla Einarsdóttir með ljóð eftir Soffíu og ræðu, Silja Björk Björnsdóttir með ræðu, Þórhildur Gyða Arnarsdóttir með ræðu og Pálína Ósk Ómarsdóttir með ræðu. Síðast en ekki síst steig Tanja Ísfjörð aftur upp á svið (eða gangstétt) og helt annað erindi ásamt því að flytja tvö lög sem tengd voru þema göngunnar, sem var valdaójafnvægi, ásamt Brynjari Rögnvaldssyni.
Lokaorð göngunnar frá Tönju voru svo “Ég vil þakka Þresti hjá Myndun, Sigurjóni Haukssyni, mömmu minni Lindu Rós, Alenu, Árskóla, Rögnvaldi og Binna, Selmu og Tomma ásamt fleirum fyrir veitta hjálparhönd. Ég vil þakka Ásgeiri í Hlíðarkaup, Grand Inn, Sveitarfélaginu Skagafirði, KS á Eyrinni, Nýprent og Trésmiðjunni Ýr fyrir þeirra styrki og stuðning. Soffíu, Mallý, Betu Ásmunds og samstarfskonum mínum í Öfgum vil ég þakka sérstaklega fyrir þeirra þátttöku og fyrir alla veitta aðstoð við skipulagningu þessa viðburðar. Síðast en ekki síst vil ég þakka Erlu Einarsdóttur sem hefur verið mín stoð og stytta í öllu skipulaginu, gangan hefði ekki orðið að veruleika án þinnar aðstoðar.”
Þegar blaðamaður spurði Tönju eftir gönguna hvernig henni hafi fundist til takast sagði hún að hún hafi verið ánægð með mætinguna þó hún hefði viljað sjá fleiri Sauðkrækinga, sem hún vissi að væru heima. Hún sagði líka að það væri vont og umhugsunarvert að henni hafi borist fjöldi skilaboða frá þolendum og aðstandendum þolenda sem ekki þorðu að mæta vegna hræðslu. En hún sagðist samt vera þakklát þeim sem mættu og að styrkurinn og samstaðan væru ómetanleg.
/IÖF
Fleiri fréttir
-
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.