Fyrsti bíllinn sem keyptur var í Skagafjörð sýndur í Samgönguminjasafninu
Bifreið sem Árni Daníelsson á Sjávarborg keypti og flutti til Sauðárkróks 1926 er nú til sýnis í Samgönguminjasafninu í Stóragerði. Gunnar Þórðarson þúsundþjalasmiður og safnstjóri fann bílinn í Kópavogi en segist einungis hafa hann að láni til að sýna gestum safnsins.
Árni keypti bílinn í Bandaríkjunum og flutti með sér til Íslands og gerir hann út í Reykjavík veturinn 1925-1926. Um sömu mundir keypti hann nýja vörubifreið af Chevroletgerð og flutti hann báða bílana til Sauðárkróks með skipi vorið 1926.
Í Skagfirzkum annál 1847-1947 segir að tíðindi hafi þótt mikil er frétt flaug um slík farartæki á Króknum því fæstir Skagfirðingar höfðu áður séð bifreið.
Margir glæsilegir bílar njóta sín vel í Samgönguminjasafninu í Stóragerði og alltaf gaman að koma þar við.
Ekki er því við öðru að búast en Skagfirðingar tæpum 90 árum síðar vilji berja bílinn augum en Gunnar Þórðarson segir að bíllinn verði í safninu í einhvern tíma en vissi ekki hvenær hann þyrfti að skila honum aftur til eiganda síns.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
