Gagnrýnir sinnuleysi velferðaráðherra
Sveitarstjórn Skagafjarðar hefur beðið eftir svörum frá Guðbjarti Hannessyni velferðaráðherra um hvers vegna niðurskurðarhnífnum sé beitt af meiri hörku á Heilbrigðisstofnuninni á Sauðárkróki en annars staðar. Í grein sinni á Feyki.is gagnrýnir Sigurjón Þórðarson ráðherrann fyrir að gefa ekki nánari skýringar á málinu.
Sigurjón segir aðför ráðherrans hafa komið Skagfirðingum í opna skjöldu þar sem fyrir síðustu Alþingiskosningar hafi hann lagt áherslu á jafnræði á milli höfuðborgarsvæðisins og landsbyggðarinnar. Jafnframt sagðist hann ætla að taka til rækilegrar endurskoðunar niðurskurðartillögur forvera síns þegar hann tók við ráðherratign á síðasta ári.
Sem fyrr segir hefur Sveitarstjórn Skagafjarðar beðið um nokkurt skeið eftir svörum frá ráðherra. Jafnframt hefur verið kallað eftir viðbrögðum við skýrslum, sem teknar voru saman af Gallup, þar sem kemur skýrt fram að hlutfallslega mesti niðurskurðurinn verði hjá HS og bent á neikvæðar afleiðingar þess út í samfélagið. Málið var rætt á fundi byggðarráðs Skagafjarðar í morgun og í fundargerð segir:
„Byggðarráð lýsir megnri óánægju og vonbrigðum yfir því að ekki hafi verið brugðist við beiðni sveitarfélagsins um fund með velferðarráðherra vegna stórfellds niðurskurðar á fjárveitingum til Heilbrigðisstofnunarinnar Sauðárkróki á árinu 2012. Jafnframt lýsir byggðarráð vonbrigðum með að ekki hafa borist viðbrögð ráðherrans við þeim skýrslum sem honum hafa verið sendar um stofnunina og niðurstöðu þeirra.“
Einu svörin sem komið hafa frá velferðarráðherra fengust í gær þegar einn íbúi sveitarfélagsins tók sig til og sendi honum fyrirspurn á „beinni línu DV.IS“. Þar var spurt um niðurskurðinn og svaraði ráðherra því til að stærsta hluta niðurskurðarins mætti skýra með því að hætt verði sólarhringsþjónustu vegna fæðinga. Sigurjón bendir hins vegar á að umræddri þjónustu hafi verið hætt áður en ráðherra tók við embætti og það geti því ekkert haft með boðaðan niðurskurð að gera.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
