Gengur fjárlagafrumvarpið of langt? Atvinnuleysi gæti tvöfaldast
Fjárlaganefnd Alþingis samþykkti á fundi í gær að leita til Byggðastofnunar um að gera heildstæða úttekt á byggðaáhrifum fjárlagafrumvarpsins eins og það liggi fyrir. Telja margir nefndarmanna að frumvarpið gangi allt of langt gagnvart landsbyggðinni, hún þoli ekki boðaðan niðurskurð.
Fjárlagafrumvarp næsta árs er nú til daglegrar umfjöllunar í fjárlaganefnd Alþingis og öðrum nefndum þingsins. Eins og fram hefur komið boðar frumvarpið gríðarlegan niðurskurð á sem flestum sviðum og óttast margir afleiðingar þess til lengri tíma, ekki síst áhrif þess á landsbyggðina. Fjárlaganefnd Alþingis samþykkti í morgun tillögu Ásmundar Einars Daðasonar sem Kristján Þór Júlíusson bar upp um gerð verði heildstæð úttekt á byggðaáhrifum frumvarpsins.
Talað er um að fela Byggðastofnun verkið en nefndin mun nánar útfæra það á fundi sínum næstkomandi mánudag. Samkvæmt heimildum fréttastofu vilja margir nefndarmenn í fjárlaganefnd að sú stefnubreyting sem boðuð sé í frumvarpinu verði alfarið dregin til baka. Landsbyggðin þoli ekki þann niðurskurð sem boðaður sé í frumvarpinu.
Hvað Norðurland vestra varðar þá má lauslega áætla að ef fjárlagafrumvarpið nái óbreytt fram að ganga þá gæti atvinnuleysi tvöfaldast á svæðinu.
Fleiri fréttir
-
Beint streymi úr æðarvarpi frá Hrauni á Skaga
feykir.is Skagafjörður 13.05.2025 kl. 07.25Það er eitt og annað sem vekur áhuga fólks fyrir framan skjáinn. Á dögunum var sagt frá því a Svíar fylgjast af áhuga með hreindýrum vaða ár á leið sinni milli svæða í Svíaríki. Gísli Einars var frumkvöðull í þessu svokallaða Slow TV og leyfði þjóðinni að fylgjast með sauðburði hjá Atla og Klöru á Syðri-Hofdölum fyrir fáeinum árum. Nú geta áhugasamir fylgst með beinu streymi úr æðarvarpi á Hrauni á Skaga.Meira -
Dimitrios dæmdur í eins leiks bann
feykir.is Skagafjörður, Íþróttir, Lokað efni 12.05.2025 kl. 23.23Það voru sannarlega læti í öðrum leik Tindastóls og Stjörnunnar í úrslitaeinvíginu um Íslandsmeistaratitilinn sl. sunnudag. Tveimur leikmönnum Stólanna var vikið út úr húsi, Arnari Björnssyni og Dimitrios Agravanis. Í dag ákvað aganefnd KKÍ að Dimitrios skuli sæta eins leiks banni en Arnar fékk áminningu.Meira -
SSNV til liðs við verkefnið Öruggara Norðurland vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 12.05.2025 kl. 23.21Þann 9. maí síðastliðinn var haldinn þriðji fundur Öruggara Norðurlands vestra í Ljósheimum í Skagafirði. Í frétt á vef SSNV segir að fundurinn hafi verið vel sóttur og áhersla lögð á farsæld barna og ungmenna þar sem meðal annars var rætt um sameiginlega forvarnaáætlun svæðisins, FORNOR.Meira -
Stólastúlkur hefndu ófaranna í gærkvöldi
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 12.05.2025 kl. 20.44Það er skammt stórra högga á milli í Garðabænum þessa dagana. Nú voru það Stólastúlkur sem sóttu lið Stjörnunnar heim í 16 liða úrslitum Mjólkurbikarsins í knattspyrnu. Liðin mættust fyrir skömmu í Bestu deildinni á Króknum og þá rændu Garðbæingar stigunum en í dag máttu þær þola 1-3 tap í framlengdum leik gegn skynsömu og skipulögðu liði Tindastóls sem fékk nánast öll færin í leiknum. Það má því kannski segja að Skólastúlkur hafi hefnt fyrir ófarir körfuboltastrákanna okkar í Garðabænum í gærkvöldi.Meira -
„Verður engin þjóðaratkvæðagreiðsla“ | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 12.05.2025 kl. 11.30„Það verður alltaf einhver umræða en það verður engin þjóðaratkvæðagreiðsla að ég tel næstu fjögur árin. Ástæða þess er sú staðreynd að þetta er alltof langt ferli, við horfum upp á mjög mikla ókyrrð í kringum okkur og við þurfum að einbeita okkur að mikilvægustu verkefnunum,“ segir Erna Solberg, leiðtogi norska Hægriflokksins, í samtali við norska fréttavefinn E24 í dag og vísar þar til næsta kjörtímabils í Noregi en þingkosningar fara fram þar í landi næsta haust.Meira
