Gjöf til HS og stjórnarskipti
Í júní síðastliðinn gaf Kvenfélag Rípurhrepps, sem er elsta kvenfélag landsins, Heilbrigðisstofnuninni á Sauðárkróki gjöf að verðmætti 500.000 kr. og fjölskyldu Stefáns Jökuls 100.000 kr. Fyrir gjöfina gat Heilbrigðisstofnunin keypt sjúkrarúm, sturtustól, tólf fallega dúka fyrir Dvalarheimilið og tvo eyrnamæla fyrir heilsugæsluna.
Ákveðin tímamót urðu á síðasta ári hjá kvenfélaginu þegar upp kom sú umræða að leggja félagið niður þar sem aðeins sjö konur voru starfandi og engir nýjir félagar höfðu bæst við síðan 1985. Yngri konurnar úr Nesinu og ættaðar þaðan áttuðu sig á mikilvægi þess að halda þessu gamla, merkilega félagi lifandi og flykktust í félagið. Í dag eru 18 konur starfandi í félaginu.
Gamla og nýja stjórnin saman og Sigrún heiðursfélagi. Á myndina vantar Sigurbjörgu gjaldkera.
Við afhendingu gjafabréfs til Heilbrigðisstofnunnar urðu einnig formleg stjórnarskipti en fráfarandi stjórn var búin að sitja í stjórn í rúm 30 ár. Nýjir félagar gáfu fráfarandi stjórn og heiðursfélaga gjöf fyrir vel unnin störf í þágu félagsins og voru það Gestastofa Sútarans og Lyfja sem styrktu félagið.
Kvenfélag Ripurhrepps
Sigrún Hróbjartsdóttir er heiðursfélagi og hefur verið í félaginu síðan 1951 og í fráfarandi stjórn sátu Ingibjörg Jóhannsdóttir formaður, Kristín Bára Ólafsdóttir gjaldkeri og Sigurbjörg Valtýsdóttir ritari. Nýju stjórnina skipa Ásbjörg Valgarðsdóttir formaður, Hildur Magnúsdóttir gjaldkeri og Edda María Valgarðsdóttir ritari.
Kvenfélag Rípuhrepps og Herdís Clausen. 6 af 7 sem voru áður en nýjar konur komu í félagið. Á myndina vantar Sigurbjörgu.
Kvenfélag Rípurhrepps
Sigrún Hróbjartsdóttir heiðursfélagi
Fleiri fréttir
-
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira -
Vel heppnuð vinnustofa um íþróttir fatlaðra
feykir.is Skagafjörður, Íþróttir, Mannlíf, Lokað efni 14.06.2025 kl. 20.04Í byrjun mánaðar héldu Ungmennasamband Skagafjarðar (UMSS), Svæðisstöðvar íþróttahéraða og Íþróttasamband fatlaðra (ÍF) sameiginlega vinnustofu um íþróttir fyrir fatlaða á Sauðárkróki. Vinnustofan var fyrir foreldra, forsjáraðila, íþróttaþjálfara, starfsfólk skóla og áhugafólk um íþróttir í sveitarfélaginu. „Vinnustofan var vel sótt og greinilegt að mikil þörf var á þessum viðburði. Miklar og góðar umræður sköpuðust um íþróttir fatlaðra í Skagafirði. Það verður gaman að vinna úr þeim punktum sem fram komu og koma þeim í farveg,“ segir Halldór Lárusson, svæðisfulltrúi íþróttahéraða á Norðurlandi vestra.Meira -
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira
