Glæsilegur árangur UMSS í Gautaborg
Gautaborgarleikarnir í frjálsíþróttum, „Världsungdomsspelen 2014“, voru haldnir um helgina, 27.-29. júní á Ullevi-leikvanginum í Gautaborg. Samkvæmt vef Tindastóls er þetta eitt fjölmennasta mótið sem haldið er í Evrópu ár hvert og voru þátttakendurnir alls um 8.200. Ísland átti 110 keppendur á mótinu og þar af voru 30 Skagfirðingar.
Þóranna Ósk Sigurjónsdóttir frá UMSS náði glæsilegum árangri í hástökki á fyrsta degi mótsins þegar hún stökk 1,67m og setti nýtt skagfirskt héraðsmet í kvennaflokki. Þóranna keppti í flokki 18-19 ára stúlkna og varð í 5. sæti, en 3. sæti þeirra sem eru 18 ára.
Jóhann Björn Sigurbjörnsson frá UMSS varð í 2. sæti í bæði 100 m og 400 m hlaupum 18-19 ára drengja. Í 100 m hlaupinu hljóp hann á 10,78sek, en sá sem sigraði hljóp á 10,74sek. Í 400 m hlaupinu var tvöfaldur íslenskur sigur, Kolbeinn Höður Gunnarsson frá UFA sigraði á 48,58 sek og Jóhann Björn í 2. sæti á 49,22 sek. Í 200 m hlaupi 18-19 ára drengja lenti Jóhann Björn í 3. sæti.
Daníel Þórarinsson bætti sinn fyrri árangur og hljóp 100 m á 11,36 sek og 400 m á 50,84 sek, en fyrir átti hann 51,51 sek.
Ísak Óli Traustason komst í úrslit í 110 m grindahlaupi í flokki 18-19 ára og endaði í 7. sæti á 15,53sek, en hann náði sínum besta tíma, 15,28sek, í undanrásunum.
Hinir ungu og efnilegu unglingar í skagfirska hópnum náðu mjög góðum árangri og margir bættu sinn fyrri árangur. Öll úrslit mótsins má sjá hér.
Fleiri fréttir
-
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira
