Gleði og hamingja með að spila keppnisleik aftur
Það er óhætt að fullyrða að síðustu mánuðir hafa verið sérkennilegir fyrir alla. Þeir sem hafa nært sálartetrið á körfubolta í gegnum tíðina eru sennilega orðnir ansi daufir í dálkinn en nú horfir til betri tíma – körfuboltinn er farinn að skoppa og það er leikur gegn KR á fimmtudagskvöldið. Feykir tók púlsinn á Baldri Þór Ragnarssyni, þjálfara karlaliðs Tindastóls.
Hvernig leggst annað upphaf Dominos-deildarinnar í Tindastólsmenn? „Það leggst vel í okkur, menn sakna þess að spila leiki og erum við þakklátir fyrir að fá að byrja að spila aftur.“
Eru allir leikmenn klárir í slaginn og eru einhverjar breytingar á hópnum frá í haust? „Allir leikmenn eru heilir og klárir eins og staðan er í dag, vonandi helst það fram að leik. Við erum með sama lið og við byrjuðum leiktímabilið með.“
Hvernig hafa þessar vikur í kófpásu gengið fyrir sig, hvernig er að halda mönnum á tánum í svona ástandi? „Við erum með góðan hóp og menn eru einbeittir. Alltaf best að æfa saman en menn gera það besta með það sem þeir hafa í hvert skipti.“
Nú verður leikið þétt og væntanlega mikil ferðalög á liði Tindastóls. Reiknarðu með að þetta verði erfitt? „Það verður öðruvísi en þetta er þekkt frá öðrum löndum þannig ekkert nýtt fyrir erlendu leikmennina. Við hinir þekkjum þetta úr úrslitakeppninni þannig að það þarf að setja sig strax í playoffs gírinn.“
Annað sem setur strik í reikninginn er að engir áhorfendur verða á leikjum til að byrja með. Lið Tindastóls er vant því að fá góðan stuðning og oft talað um sjötta manninn í því sambandi. Hvernig líst þér á að leika fyrir tómum húsum? „Við verðum að búa til orkuna sjálfir í þetta skiptið, vonandi fá áhorfendur að koma sem fyrst.“
KR á fimmtudag í DHL-höllinni. Hverju megum við búast við? „Gleði og hamingju með að spila keppnisleik aftur. Svo bara beint í stál í stál þar sem ekkert er gefið eftir. Leikir við KR eru alltaf grjótharðir,“ segir Baldur Þór að lokum.
Leikurinn gegn KR fer fram í DHL-höllinni í Vesturbænum fyrir sunnan og hefst kl. 19:15. Verður hann væntanlega sýndur á KRtv en ljóst er að fyrstu tveir heimaleikir Tindastóls verða sýndir á Stöð2Sport en þá heimaleiki sem þeir Stöðvarkappar sýna ekki mun TindastóllTV sýna af brakandi snilld.
Fleiri fréttir
-
Lukkudísirnar voru í liði með FH
feykir.is Skagafjörður, Íþróttir 22.04.2024 kl. 20.44Fyrsti leikur Tindastóls í Bestu deild kvenna þetta árið fór fram nú undir kvöld en þá tóku Stólastúlkur á móti liði FH við ágætar aðstæður. Það verður varla annað sagt en að lukkudísirnar hafi verið í liði með gestunum því í það minnsta þrívegis skall boltinn í stangir FH marksins. Það voru hins vegar Hafnfirðingarnir sem gerðu eina mark leiksins snemma í síðari hálfleik og þrátt fyrir talsverða pressu og nokkur ágæt færi þá tókst liði Tindastóls ekki að jafna.Meira -
Vortónleikar í Blönduóskirkju
feykir.is Austur-Húnavatnssýsla, Listir og menning 22.04.2024 kl. 09.56Sunnudaginn 28. apríl vera haldnir tónleikar í Blönduóskirkju þar sem kirkjukórinn mun syngja nokkur hugljúf vorlög undir stjórn Eyþórs Franzsonar Wechner organista. Jafnframt mun Eyþór sýna snilli sína og leyfa okkur að heyra hvað orgelið hefur upp á að bjóða. Mun hann leika vel valin orgelverk.Meira -
Stólastúlkur mæta FH á gervigrasinu klukkan fimm í dag
feykir.is Skagafjörður, Íþróttir 22.04.2024 kl. 08.31Leik Tindastóls og FH í fyrstu umferð Bestu deildar kvenna sem fram átti að fara kl. 16:00 í gær var frestað sökum vallaraðstæðna á Króknum í gær. Í leysingum laugardagsins skiluðu snjóalög í Grænuklaufinni sér niður á vallarsvæðið og var gervigrasvöllurinn á floti og ekki leikhæfur. Gærdagurinn reyndist þurr og í dag er sól og fínerí og leikurinn mun fara fram í dag og hefst kl. 17:00.Meira -
Nóg af verkefnum framundan hjá Fornverkaskólanum
feykir.is Skagafjörður, Listir og menning 21.04.2024 kl. 13.44Það er óhætt að segja að það verður nóg að gera hjá Fornverkaskólanum á árinu. Í lok apríl ætlum við að bregða fyrir okkur betri fætinum og taka stefnuna austur á Seyðisfjörð, þar sem Fornverkaskólinn ætlar að kynna torfarfinn fyrir nemendum LungA lýðskóla. Námskeiðið verður að stórum hluta í máli og myndum og ef veður verður skaplegt og sæmilegt færi verður mögulega hægt að grípa í skóflu og undirristuspaða til ánægju og yndisauka. Setji snjór og vetrarfærð okkur skorður er e.t.v. hægt að fara í tilraunaverkefni með snjóhnausa og streng.Meira -
Heiminn vantar fleiri faðmlög | Leiðari 14. tbl 2024
feykir.is Aðsendar greinar 21.04.2024 kl. 12.08Faðmlag er eitt af mörgum fallegum orðum í íslenskunni. „Faðmlög eru einstaklega jákvæð leið til samskipta og til að sýna væntumþykju. Vinir faðmast og við sýnum fólkinu okkar væntumþykju með faðmlögum,“ segir á netsíðunni Hjartalíf.is og þar er reyndar sagt að faðmlög minnki hættuna á hjarta- og æðasjúkdómum og losi um streytu. Það eru því fá – ef einhver – lög betri en faðmlögin og þau ættu að ósekju að tróna á toppi vinsældalista okkar íbúa bláa hnattarins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.