Góð byrjun Tindastólsdrengja á Íslandsmótinu
Drengjaflokkur körfuknattleiksliðs Tindastóls spilaði sinn fyrsta leik á Íslandsmótinu um síðastliðna helgi. Þá mættu þeir Fjölni í Grafarvoginum á laugardeginum en Skallagrím á Borgarnesi á sunnudeginum.
Fram kemur á heimasíðu Tindastóls að leikurinn hafi verið jafn framan af, með stöðuna 23-23 eftir fyrsta leikhlutann en Fjölnisstrákarnir náðu yfirhöndinni í öðrum leikhluta þar sem staðan var 47-42 í hálfleik. Í fjórða leikhluta náðu Fjölnismenn góðu forskoti en Tindastólsdrengirnir náðu jafntefli á lokasprettinum. Þá var leikurinn framlengdur og þá settu Pálmi Geir og Ingvi Rafn þrista fyrir Tindastól og sá síðarnefndi sá um að klára leikinn á vítalínunni og sigruðu leikinn með stöðuna 92-100.
Stig Tindastólsmanna voru eftirfarandi; Ingvi Rafn 34, Pálmi Geir 31, Pétur Rúnar 17, Sigurður Páll 10, Finnbogi 4 og Friðrik Þór 4. Hér má sjá myndir frá leiknum.
Öruggur sigur gegn Skallagrími
Í leiknum á Borgarnesi vannst öruggur sigur gegn Skallagrími. Eftir fyrsta leikhlutann var staðan 10-21 fyrir Tindastól og voru þeir með yfirhöndina allan leikinn en lokastaðan var 75-93
Stig Tindastólsmanna voru eftirfarandi; Ingvi var stigahæstur með 24 stig, Pálmi Geir gerði 23, Pétur 22, Sigurður 13, Friðrik Þór 9 og Finnbogi 2.
Næsti leikur á Íslandsmótinu fer fram á heimavelli Tindastóls þann 29. október, þar sem drengjaflokkurinn keppir á móti Stjörnunni.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
