Góður árangur UMSS á MÍ 15-22
Meistaramót Íslands í frjálsíþróttum, fyrir 15-22 ára, var haldið í Kópavogi helgina 10.-11. ágúst sl. Skráðir keppendur voru 202, frá 16 félögum og samböndum, í þeim hópi voru 15 frá UMSS.
Skagfirðingarnir lönduðu 6 Íslandsmeistaratitlum og unnu alls til 22 verðlauna, 6 gull, 11 silfur og 5 brons.
Í samanlagðri stigakeppni mótsins sigraði ÍR með 469 stig og Breiðablik varð í 2. sæti með 352. Mjög hörð keppni varð um næstu fjögur sæti, en í 3. sæti varð HSK/Selfoss með 181, 4. sæti UFA 180 stig, 5. sæti FH 180 stig og í 6. sæti, af 16 liðum, varð UMSS með162 stig.
Í einstökum aldursflokkum varð Stúlknalið UMSS 16-17 ára í 2. sæti á eftir ÍR, Stúlknalið UMSS 15 ára í 3. sæti á eftir Bbliki og UFA og Piltalið UMSS 18-19 ára í 3. sæti eftir Bbliki og ÍR.
Verðlaunahafar UMSS á MÍ 15-22 ára 2013:
Guðjón Ingimundarson (20-22): Ísl.meistari í 110m og 400m grindahlaupum.
Fríða Ísabel Friðriksdóttir (15): Ísl.meistari í þrístökki, 2. sæti í 100m, 200m og 400m hlaupum, 80m og 300m grindahlaupum og langstökki.
Ísak Óli Traustason (18-19): Ísl.meistari í 110m grindahlaupi, 2. sæti í hástökki og 3. sæti í langstökki.
Þóranna Ósk Sigurjónsdóttir (16-17): Ísl.meistari í kringlukasti og 3. sæti í hástökki.
Daníel Þórarinsson (18-19): Ísl.meistari í 400m hlaupi og 3. sæti í 100m hlaupi.
Haukur Ingvi Marinósson (15): 2. sæti í kringlukasti og 3. sæti í sleggjukasti.
Ragnar Yngvi Marinósson (15): 2. sæti í 1500m hlaupi.
Sveinbjörn Óli Svavarsson (16-17): 2. sæti í 400m grindahlaupi.
Þorgerður Bettína Friðriksdóttir (16-17): 2. sæti í 400m hlaupi.
Stúlknasveit UMSS (16-17): 3. sæti í 4x100m boðhlaupi. Sveitina skipuðu Fríða Ísabel Friðriksdóttir, Þóranna Ósk Sigurjónsdóttir, Ragna Vigdís Vésteinsdóttir og Þorgerður Bettína Friðriksdóttir.
Tindastóll.is segir frá þessu.
Feykir óskar þeim til hamingju með glæsilegann árangur!
Fleiri fréttir
-
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira -
Vel heppnuð vinnustofa um íþróttir fatlaðra
feykir.is Skagafjörður, Íþróttir, Mannlíf, Lokað efni 14.06.2025 kl. 20.04Í byrjun mánaðar héldu Ungmennasamband Skagafjarðar (UMSS), Svæðisstöðvar íþróttahéraða og Íþróttasamband fatlaðra (ÍF) sameiginlega vinnustofu um íþróttir fyrir fatlaða á Sauðárkróki. Vinnustofan var fyrir foreldra, forsjáraðila, íþróttaþjálfara, starfsfólk skóla og áhugafólk um íþróttir í sveitarfélaginu. „Vinnustofan var vel sótt og greinilegt að mikil þörf var á þessum viðburði. Miklar og góðar umræður sköpuðust um íþróttir fatlaðra í Skagafirði. Það verður gaman að vinna úr þeim punktum sem fram komu og koma þeim í farveg,“ segir Halldór Lárusson, svæðisfulltrúi íþróttahéraða á Norðurlandi vestra.Meira -
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira
