Golfarar tínast út á völlinn með hlýnandi veðri
„Mikil gróska er í barna- og unglingastarfi Golfklúbbs Sauðárkróks en golfskólinn er starfræktur mánudaga til fimmtudaga. Ellefu ára og yngri eru kl. 10:30 – 12:00 en tólf ára og eldri kl. 13:30 – 15:30 og Sumartím er milli kl. 8:30 og 10:00. Arnar Geir Hjartarson og Atli Freyr Rafnsson eru aðalþjálfarar og standa sig með miklum sóma,“ skrifar Kristján Bjarni Halldórsson, formaður klúbbsins, á FB síðu GSS. Helga Jónína Guðmundsdóttir er formaður unglinganefndar og hefur í mörg horn að líta.
„Það er gaman að sjá hve góð þátttaka er í nýliðanámskeiðinu síðdegis mánudaga og fimmtudaga. Árný Lilja og Arnar Geir eru frábærir leiðbeinendur,“ segir Kristján í téðri færslu en í framahaldi af námskeiðinu verður lokahóf og fleira skemmtilegt.
Mótin eru farin að rúlla en unglinganefndin hélt fyrsta föstudagsmót sumarsins þann 7. júní og Opna KS mótið daginn eftir í sól og smá strekkingi. Sigurvegarar voru Arnar Geir og Ingvi Þór. Mót sumarsins má sjá á golf.is, en í þessari viku verða þriðjudagsmót (Hard Wok), miðvikudagsmót (Kaffi Krókur) og Opna Friðriksmótið (laugardag). Þá verður 9 holu sjötugsafmælismót Reynis Barðdal haldið föstudaginn 21. júní.
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.