Götugrill og styrktarbingó á Húnavöku
Húnavaka hófst í gær með Gömludansaballi en það má kannski segja að fjörið hefjist fyrir alvöru seinni partinn í dag þegar grillað verður í boði Húnabyggðar og Ölgerðarinnar í tjaldi framan við Félagsheimilið á Blönduósi. Ekki er annað að sjá í kortunum en að veðrið muni standa með íbúum Húnabyggðar á Húnavöku næstu dagana.
Það verða semsagt grillaðir hamborgarar í boði í kvöld frá kl. 18-20 og ýmislegt gert til gamans. Trúbadorarnir Gunnar Ingi, Helga Margrét og Gunnhildur Gísla halda uppi fjörinu. Klukkan 21 hefst Sögustund og bjórkvöld í Eyvindarstofu þar sem Magnús Ólafsson segir frá Fjalla-Eyvindi. Á sama tíma hefst hið magnaða styrktarbingó til stuðnings meistaraflokki Kormáks/Hvatar í félagsheimilinu.
Veislan heldur svo áfram á morgun, föstudag, en þá er viðamikil dagskrá sem hægt er að skoða hér>
Seinni partinn í dag er spáð 12 stiga hita og hægum suðvestan vindi á Blönduósi. Ekki er reiknað með að sólin láti ljós sitt skína en það á heldur ekki að rigna. Á morgun, föstudag, er aftur á móti spáð björtu, hita um 15 gráður og hægum vestanvindi. Reiknað er með svipuðu veðri á laugardag en þó heldur svalara.
Fleiri fréttir
-
Staðan á Stólastúlkum hefur batnað
feykir.is Skagafjörður, Íþróttir, Lokað efni 16.07.2026 kl. 14.08Talsverð umræða skapaðist um síðustu helgi þegar lið Tindastóls þurfti að gefa leik sinn gegn liði Keflavíkur í Lengjudeild kvenna vegna manneklu. Næsti leikur Stólastúlkna er gegn liði Selfoss nú á laugardaginn og fer fram á Króknum. Fyrri leikur liðanna endaði með 3-1 sigri Selfoss. Feykir spurði Domi þjálfara hvort staðan á hópnum hefði skánað frá því um síðustu helgi.Meira -
Hvað er Húnavaka? Víðir Kristjánsson fer um víðan völl
feykir.is Austur-Húnavatnssýsla, Mannlíf, Lokað efni 16.07.2026 kl. 12.00Víðir býr í Stóradal í Svínadal. Hann er bóndi og samkvæmt facebook er hann á lausu ef einhver trúir því. Hann er mannvinur mikill og er eftir því tekið hvað hann á fallegt samband við t.d.Jón á Hofi. Víðir svara hér af óvenjulega mikilli hógværð.Meira -
Ólafur Þór varð fyrir valinu á Skagaströnd
feykir.is Austur-Húnavatnssýsla, Mannlíf 16.07.2026 kl. 09.22Ólafur Þór Ólafsson hefur verið valinn úr hópi 16 umsækjenda til að taka við starfi sveitarstjóra á Skagaströnd. Í frétt á vef sveitarfélagsins segir að gert sé ráð fyrir að sveitarstjórn staðfesti ráðninguna á fundi sínum þann 22. júlí næstkomandi. Ólafur er stjórnmálafræðingur að mennt og með MPA gráðu í opinberri stjórnsýslu frá Háskóla Íslands.Meira -
Mark Watson dagurinn á Byggðasafni Skagfirðinga
feykir.is Skagafjörður, Listir og menning 16.07.2026 kl. 08.54Í tilefni af afmæli enska aðalsmannsins Mark Watson stendur Byggðasafn Skagfirðinga fyrir dagskrá í Glaumbæ laugardaginn 18. júlí frá kl. 15:30 til 17:30. Viðburðurinn er haldinn í samstarfi við Sögusetur íslenska fjárhundsins og hvetur Byggðasafnið íbúa og gesti til að sækja það heim í tilefni dagsins.Meira
