Grátlegt tap gegn Aftureldingu
Tindastóll og Afturelding mættust á Sauðárkróksvelli í gærkvöldi í 2. deild karla í knattspyrnu. Nokkrar breytingar hafa orðið á liði Tindastóls síðustu daga og þrír nýjir leikmenn hófu leik í gær. Leikurinn var spennandi og hart tekist á en úrsltin réðust í uppbótartíma þegar gestirnir náðu að skora rándýrt mark og veita Stólunum slæmt högg. Lokatölur 2-3.
Aðstæður voru ágætar á Króknum í gærkvöldi, smá norðangarri og pínu napurt. Það kom þó ekki í veg fyrir að liðin sýndu á köflum ágætan leik. Augljóslega ætluðu Stólarnir að selja sig dýrt og spiluðu talsvert fastar en venjulega, létu Mosfellinga finna vel fyrir sér sem fór nett í pirrurnar á gestunum. Leikurinn var í ágætu jafnvægi í fyrri hálfleik en það voru Tindastólsmenn sem náðu forystunni á 30. mínútu með marki frá Ingva Hrannari eftir að nýr framherji liðsins, Greg Conrad, hafði skallað sendingu frá Arnóri Daða í varnarmenn Aftureldingar. Gestirnir náðu að jafna rétt fyrir hlé þegar Magnús Einarsson fékk laglega sendingu inn á teig þar sem hann var einn og óvaldaður. Brentton átti ekki séns. Staðan 1-1 í hálfleik.
Gestirnir voru með goluna í bakið í síðari hálfleik og þeir voru líklegri framan af. Á 64. mínútu komust þeir upp vinstri kantinn og áttu fína sendingu á fjærstöng þar sem Ágúst Leó Bjarnason sendi hörkuskalla í bláhornið. Stólarnir komu sér betur inn í leikinn á ný og á 79. mínútu jafnaði Fannar Örn Kolbeinsson með góðum skalla eftir aukaspyrnu af hægri kanti. Bæði lið reyndu að sækja sigur eftir þetta en leikurinn virtist stefna í jafntefli þegar fækkaði í liði gestanna eftir að sami leikmaður hafði tvívegis orðið fyrir höfuðmeiðslum á skömmum tíma og var hjálpað af velli. Í kjölfarið sofnuðu Stólarnir á verðinum og Afturelding átti ágæta sókn sem endaði með því að boltinn féll fyrir Ágúst Leó sem enn var óvaldaður á fjærstönginni og skilaði hann boltanum af öryggi í netið við mikil fagnaðarlæti Mosfellinga. Þetta gerðist á 94. mínútu og enginn tími fyrir Tindastólsmenn að bregðast við stöðunni.
Sem fyrr segir var pínu annar bragur á liði Tindastóls en undir stjórn Stephens Walmsley, en í gærkvöldi voru það Bjarki Már og Bjarni Smári sem stjórnuðu af bekknum í fjarveru Stefáns Arnars. Hart var barist og leikmenn Aftureldingar vildu fá ótal víti í leiknum og fengu nokkur móðursýkisköst í kjölfarið, en góðir dómarar leiksins létu ekki glepjast.
Greg Conrad lét finna vel fyrir sér, hann er stór og sterkur og spilar frammi, en Jack Clancy var á miðjunni með Konna og stóðu þeir sig með ágætum þrátt fyrir að þeir væru nýkomnir til liðsins. Þriðji útlendingurinn, Lundúnabúinn Jonathan Olaleye, kom ekki við sögu að þessu sinni. Eftir leiki gærkvöldsins eru Stólarnir enn í tíunda sæti og aðeins Fjallabyggð og Sindri fyrir neðan. Næst spila strákarnir á Grenivík en lið Magna er sem stendur í öðru sæti deildarinnar.
Fleiri fréttir
-
Íslandsmeistarar Blika höfðu betur gegn Stólastúlkum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 08.05.2025 kl. 23.58Bestu deildar lið Tindastóls fékk Íslandsmeistara Breiðabliks í heimsókn á Krókinn í dag í 5. umferð deildarinnar. Það mátti reikna með erfiðum leik en Stólastúlkur náðu engu að síður forystunni í leiknum. Blikar voru aftur á móti ekki lengi að kvitta fyrir sig og unnu á endanum öruggan 5-1 sigur.Meira -
Hæfileikabúnt frá Húnaþingi vestra sigruðu í Fiðringi 2025
feykir.is Vestur-Húnavatnssýsla, Listir og menning, Lokað efni 08.05.2025 kl. 14.38Þeim er margt til lista lagt nemendunum í Grunnskóla Húnaþiings vestra og þessi vetur hlýtur að verða þeim mörgum minnistæður. Fyrir jól áttu nemendur eitt af þeim þremur lögum sem þóttu skara fram úr í Málæði, í síðustu viku tryggði lið skólans sér sæti í úrslitum í Skólahreysti og í gær sigraði atriði skólans í Fiðringi 2025, hæfileikakeppni fyrir nemendur í 8.-10. bekk, sem haldin var á Akureyri.Meira -
Nýsköpun sem drifkraftur | Freyja Rut Emilsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 08.05.2025 kl. 14.18Nýsköpun er ekki bara orð til að nota á tyllidögum og í kosningabaráttu, nýsköpun er drifkraftur framþróunar, hvort sem það er í litlum fyrirtækjum á landsbyggðinni eða stórum alþjóðlegum fyrirtækjasamsteypum. Nýsköpun opnar nýjar leiðir, skapar ný störf, eykur hagkvæmni og gerir okkur – bæði sem einstaklinga og samfélög, betur í stakk búin til að takast á við þær áskoranir sem blasa við, grípa þau tækifæri sem bjóðast og skapa ný. Fyrirtæki og samfélög sem fóstra og næra nýsköpunarhugsun og nýsköpunarverkefni eru lykillinn að sjálfbærum vexti, bættum lífsgæðum og framþróun sama hvaða atvinnugreinar horft er til.Meira -
Innlyksa á Húsabakka í Skagafirði
feykir.is Skagafjörður 08.05.2025 kl. 12.37Í gær kom tilkynning frá Almannavarnadeild Ríkislögreglustjóra um mikla vatnavextir í Austari Jökulsá og Héraðsvötnum. Ábúendur á Syðri og Ytri Húsabakka hafa fundið vel fyrir þessum vatnavöxtum enda innlyksa og skemmdir á vegum og túnum ekki skýr að svo stöddu.Meira -
Strandveiðin byrjaði á mánudaginn
feykir.is Skagafjörður, Lokað efni 08.05.2025 kl. 12.15Það verður fjör hjá smábátaeigendum í sumar því strandveiðitímabilið byrjaði af fullum krafti á mánudaginn síðastliðinn. Fyrir þá sem sóttu um leyfið og fengu geta sótt sjóinn í alls 48 daga. Þessir dagar skiptast niður í 12 daga á mánuði í fjóra mánuði og má einungis róa á mán., þrið., mið. og fimmtudögum. Þá má fiska 774 kíló á dag og á þetta fyrirkomulag að tryggja fullt jafnræði milli landshluta en sl. ár hefur strandveiðin verið stöðvuð löngu áður en tímabilið er búið, eða um miðjan júlí.Meira
