Grátlegt tap hjá stelpunum
Það var stíf suðvestan átt þegar Tindastólsstúlkur tóku á móti Fylki, langefsta liðinu í riðlinum. Fylkir hefur ekki tapað leik í sumar, gert eitt jafntefli og fengið einungis á sig 6 mörk.
Tindastóll lenti á móti vindi í fyrri hálfleik en létu það ekki á sig fá og skoruðu fyrsta mark leiksins strax á annari mínútu leiksins, boltinn barst til Leslie 10 metrum fyrir utan teig og hún átti frábært skot í bláhornið, óverjandi fyrir markmann Fylkis. Næstu 30 mínúturnar voru Fylkiskonur meira með boltann en náðu ekkert að ógna marki Tindastóls, og þeir fáu boltar sem láku í gegn, hirti Bryndís Rut af öryggi. Á 33. mínútu gerðu Tindastólsstúlkur slæm mistök, eftir að hafa unnið boltann í teignum, og sendu boltann beint í fæturnar á Fylkiskonunni Rakel Jónsdóttur sem þakkaði pent fyrir sig og þrumaði boltanum í netið hjá Tindastól, óverjandi fyrir Bryndísi Rut og staðan orðin1-1. Stólarnir létu þetta ekki slá sig útaf laginu og tóku miðju og eftir laglegt spil, átti afmælisbarn dagsins Bryndís Rún stungusendingu á Leslie sem skoraði sitt annað mark og kom Stólunum í 2-1. Það sem eftir lifði hálfleiksins reyndi Fylkir að sækja en Stólarnir vörðust sem einn maður. Baráttan var svo sannarlega til staðar og var Tindastóll sanngjarnt yfir í hálfleik 2-1.
Í síðari hálfleik voru Fylkiskonur mun meira með boltann en náðu ekki að opna vörn Tindastóls, Stólarnir reyndu að beita skyndisóknum sem gengu ekki alveg nógu vel. Á 55. mínútu fékk Tindastóll aukaspyrnu á miðjum vallarhelmingi Fylkis og átti Svava góða fyrirgjöf sem endaði í stönginni og barst boltinn útí teig og á einhvern óskiljanlegan hátt náðu sóknarmenn Tindastóls ekki að nýta sér þetta og skutu framhjá í upplögðu færi og hefði það orðið til þess að brjóta Fylkiskonur endanlega niður því þær voru orðnar frekar pirraðað á því hversu illa gekk að opna vörn Tindastóls. Á 65. mínútu dæmi slakur dómari leiksins víti á Tindastól eftir hornspyrnu, og skoraði Ruth Þórðardóttir örugglega úr henni. Eftir þetta þyngdust sóknir Fylkismanna og skoruðu þær sigurmarkið á 80. mínútu eftir laglega sókn og var Rakel Jónsdóttir aftur á ferðinni með sitt annað mark. Tindastólsstúlkur geta gengið stoltar frá þessum leik, börðust allan tímann og var þessi leikur hin besta skemmtun, og vonandi verður sama uppá teningnum á sunnudaginn þegar Tindastóll tekur á móti BÍ/Bolungarvík á Sauðárkróksvelli kl. 16:00. /AVH
Fleiri fréttir
-
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira -
Vel heppnuð vinnustofa um íþróttir fatlaðra
feykir.is Skagafjörður, Íþróttir, Mannlíf, Lokað efni 14.06.2025 kl. 20.04Í byrjun mánaðar héldu Ungmennasamband Skagafjarðar (UMSS), Svæðisstöðvar íþróttahéraða og Íþróttasamband fatlaðra (ÍF) sameiginlega vinnustofu um íþróttir fyrir fatlaða á Sauðárkróki. Vinnustofan var fyrir foreldra, forsjáraðila, íþróttaþjálfara, starfsfólk skóla og áhugafólk um íþróttir í sveitarfélaginu. „Vinnustofan var vel sótt og greinilegt að mikil þörf var á þessum viðburði. Miklar og góðar umræður sköpuðust um íþróttir fatlaðra í Skagafirði. Það verður gaman að vinna úr þeim punktum sem fram komu og koma þeim í farveg,“ segir Halldór Lárusson, svæðisfulltrúi íþróttahéraða á Norðurlandi vestra.Meira -
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira -
„Ég er sveitavargur og hefur alltaf liðið vel að koma í Skagafjörðinn“
feykir.is Skagafjörður, Íþróttir, Lokað efni 14.06.2025 kl. 13.47Blaðamaður Feykis hitti nýjan þjálfara meistaraflokks Tindastóls föstudaginn 7. júní þegar hann skrifaði undir tveggja ára samning. Blaðamaður settist niður með Arnari og spjallaði aðeins við kauða og tók stöðuna. Fyrst var kannski að fá að vita hver Arnar Guðjónsson er en hann er sveitastrákur úr Borgarfirði, sonur tveggja íþróttakennara, sem hefur alla tíð haft ótrúlega gaman af íþróttum og fólki og lá þá kannski beinast við að fara í þjálfun.Meira
