Guðmundur Þór sigraði Byrðuhlaupið á nýju meti
Byrðuhlaup Ungmennafélagsins Hjalta var haldið laugardaginn 13.ágúst síðastliðinn í 3.sinn í blíðskaparveðri sem hafði sitt að segja um þann árangur sem náðist í hlaupinu. Hlaupið er ræst í hliði sem liggur inná tjaldsvæði Hólaskógar og hlaupið eftir vegum og göngustígum upp í Gvendarskál. Að þessu sinni spreyttu 8 hlauparar sig og luku þeir allir hlaupinu með sóma. Byrðuhlaupari ársins er Guðmundur Þór Elíasson Vestur-Húnvetningur og hrossabóndi á Varmalæk 1 og setti hann nýtt met á leiðinni þegar hann hljóp á 29,30 mínútum.
Fast á hæla hans kom Nökkvi Már Víðisson (14 ára) frá Kjarvalsstöðum á 29,37 mín en hann varð fyrir því óhappi að detta á endasprettinum. Til marks um góðan árangur hlauparanna voru fyrstu 5 hlaupararnir undir gamla metinu sem Guðmundur Elí Jóhannsson (12 ára) átti og voru 34,09 mínútur. Guðmundur Elí er jafnframt eini hlauparinn sem hefur tekið þátt í Byrðuhlaupinu öll þau 3 skipti sem það hefur verið haldið en að þessu sinni hljóp hann þrátt fyrir að vera hálf-lasinn. Fyrst kvenna var Sigríður Vaka Víkingsdóttir (12 ára) á 33,37 mínútum og er það nýtt met í kvennaflokki. Sigurvegarar í karla og kvennaflokki fengu veglega verðlaunapeninga og Byrðuhlaupari ársins fékk farandbikarinn til vörslu í eitt ár.
Ungmennafélagið Hjalti færir þeim sem aðstoðuðu við hlaupið og undirbúning þess bestu þakkir fyrir ómetanlega aðstoð.
Texti og myndir Guðrún Stefánsdóttir
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
