Guðrún Gróa Þorsteinsdóttir íþróttamaður USVH 2011
Íþróttamaður USVH árið 2011 var kjörin Guðrún Gróa Þorsteinsdóttir körfubolta- og kraftlyftingakona frá Reykjum í Hrútafirði en hún hlaut 43 stig í kjörinu. Í öðru sæti varð Helga Una Björnsdóttir hestaíþróttakona með 36 stig og í þriðja sæti varð Helga Margrét Þorsteinsdóttir frjálsíþróttakona með 29 stig. Aðrir sem hlutu tilnefningar í kjöri íþróttamanns USVH voru Reynir Aðalsteinsson og Tryggvi Björnsson hestaíþróttamenn og Hrund Jóhannsdóttir körfuknattleikskona.
Guðrúnu Gróu hlaut farandbikar auk eignarbikars og einnig 50 þúsund króna gjafakort frá Landsbankanum á Hvammstanga. Guðrún Gróa hefur áður verið kjörin íþróttamaður USVH, en Helga Margrét systir hennar var kjörinn íþróttamaður USVH síðustu fjögur ár.
Guðrún Gróa kláraði keppnistímabilið í körfubolta með KR með því að vera valin besti varnarmaðurinn í Iceland Express-deild kvenna í körfubolta. Síðan snéri hún sér alfarið að kraftlyftingum og fór að keppa fyrir kraftlyftingadeild Ármanns. Hún hafði um tíma æft báðar þessar íþróttagreinar. Í mars keppti Guðrún á Íslandsmeistaramóti í kraftlyftingum sem haldið var í Njarðvík. Hún setti fjölmörg Íslandsmet en lyfti samtals 415,0 kg (í flokki -84,0 kg) og varð í öðru sæti í stigakeppninni, sem er mjög gott því hún er ekki nema 72,8 kg að þyngd sjálf. Í júní keppti Guðrún á Kópavogsmótinu í bekkpressu sem haldið var í Smáranum. Hún setti Íslandsmet í unglingaflokki (19-23 ára) lyfti 90 kg í bekkpressu og sigraði stigakeppnina í kvennaflokki (72 kg flokki milliþunga). Í lok nóvember keppti Guðrún á Bikarmóti Kraftlyftingasambands Íslands. Þar setti hún unglingamet í öllum þremur greinunum, hnébeygju, bekkpressu og réttstöðu, hún lyfti m.a. 160 kg í hnébeygju. Þá setti hún einnig unglingamet í samanlögðum árangri. Guðrún keppir nú fyrir Kraftlyftingadeild Gróttu.
Íþróttamenn USVH geta orðið þeir íþróttamenn 16 ára og eldri sem lögheimili eiga í Húnaþingi vestra eða keppa undir merkjum félaga innan USVH. Það eru stjórnarmenn í aðildarfélögum USVH og stjórn USVH sem kjósa íþróttamanninn.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
