Gul viðvörun á Norðurlandi vestra
Veður fer nú versnandi víða um landið og eru gular og appesínugular viðvaranir í gildi fyrir stóran hluta landsins í dag og fram á nótt. Veðrinu veldur kröpp og óvenjudjúp lægð sem er á ferðinni suður og austur af landinu. Reiknað er með að hún valdi norðan- og norðaustan stormi eða roki og blindhríð fyrir norðan og austan og líklega einhverjum samgöngutruflunum, að því er segir á vef Veðurstofunnar.
Á Norðurlandi vestra er gul viðvörun í gildi í dag þar sem gert er ráð fyrir norðan hvassviðri eða stormi með hríðarveðri og jafnvel stórhríð um tíma á utanverðum Tröllaskaga. Draga mun úr vindi og úrkomu með kvöldinu. Hiti verður í kringum frostmark.
Veðurhorfur á landinu næstu daga eru þær að á morgun verði sunnan og suðvestan kaldi og slydda eða snjókoma með köflum en úrkomulaust að kalla norðaustan til. Hiti yfirleitt kringum frostmark að deginum. Á sunnudag verða norðvestan 8-13 m/s en hvassara í vindstrengjum um landið suðaustanvert. Dálítil él norðanlands, en birtir upp sunnan til. Hiti um frostmark. Lægir um kvöldið, syttir upp og kólnar. Á mánudaginn á svo að ganga í sunnan átt með rigningu en þurrt norðaustan til á landinu.Veður fer þá hlýnandi en kólnar aftur á þriðjudag.
Í hugleiðingum veðurfræðings segir að í dag sé stórstreymt og þegar við bætist mjög lágur loftþrýstingur og hvass vindur geti sjór gengið á land og valdi tjóni. Menn eru því hvattir til að tryggja vel báta sína og vörur og tæki við sjávarsíðuna.
Færð hefur ekki spillst á Norðurlandi vestra utan þess að Siglufjarðarvegur er lokaður vegna óveðurs. Á vef Vegagerðarinnar má sjá að á flestum leiðum er hálka eða hálkublettir en stórhríð er á Öxnadalsheiði og mjög blint. Þá er einnig stórhríðarmerki á Þverárfjalli og á veginum milli Hofsóss og Fljóta.
Fleiri fréttir
-
Herramenn snúa aftur til fortíðar
feykir.is Skagafjörður, Listir og menning, Lokað efni 29.04.2025 kl. 11.22Það hefur væntanlega ekki farið fram hjá mörgum að hin ástsæla hljómsveit, Herramenn, hyggur á tónleikahald nú um miðjan maí, nánar tiltekið föstudags- og laugardagskvöldin 16. og 17. maí nk. í Ljósheimum. Miðar eru þegar farnir í sölu á Tix.is og strákarnir farnir að spila sig saman og rifja upp ekkert svo gamla takta. Þessu má auðvitað enginn missa af og því vissara að tryggja sér miða í tíma.Meira -
Þriðji leikurinn í kvöld... ÁFRAM TINDASTÓLL!
feykir.is Skagafjörður, Íþróttir 29.04.2025 kl. 10.48Það er leikur í dag, þriðji leikurinn, hjá strákunum í Tindastól á móti Álftanesi og byrjar hann á slaginu 19:15 í Síkinu. Ef þú ert ekki búin/n að tryggja þér miða á Stubb þá skaltu fara í að drífa í því áður en það verður uppselt. En Sigríður Inga var örlítið fyrr á ferðinni með dagskrá dagsins en fyrir síðasta leik og ekki seinna vænna en að við hjá feykir.is birtum hana hér.... við skulum sjá hvað hún segir...Meira -
„Sveitarfélögin eru um margt lík hvað varðar uppbyggingu og atvinnuhætti“
feykir.is Vestur-Húnavatnssýsla, Mannlíf, Lokað efni 29.04.2025 kl. 08.51Umræða um mögulega sameiningu Húnaþings vestra og Dalabyggðar rt nú í fullum gangi. Svo virðist sem töluverð hákvæðni ríki um að ferlinu verði fram haldið. Magnús Magnússon, oddviti Sjálfstæðisflokks í Húnaþingi vestra, er formaður verkefnisstjórnar óformlegra viðræðna fyrir hönd Húnaþings vestra og lagði Feykir fyrir hann nokkrar spurningar. Var hann m.a. spurður hvort hann teldi íbúa spennta fyrir sameiningu en þar vitnaði hann í orð hins þjóðkunna sr. Baldur heitinn í Vatnsfirði: ,,Í þessu máli er vissara að hafa tvær skoðanir.““Meira -
Setning Sæluviku Skagfirðinga 2025 og endurgerð Faxa | Einar E. Einarsson skrifar
feykir.is Skagafjörður, Aðsendar greinar 28.04.2025 kl. 10.25Ég vil byrja á að óska ykkur öllum gleðilegs sumars á þessum fallega degi sem jafnframt er síðasti sunnudagur aprílmánaðar, en hann hefur verið upphafsdagur Sæluviku Skagfirðinga í um 30 ár. Sæluvika Skagfirðinga á sér hins vegar mun lengri sögu, en heimildir herma að Sæluvikan hafi orðið til í framhaldi af svokölluðum sýslunefndarfundum sem haldnir voru einu sinni á ári með Sýslumanni og helstu forsvarsmönnum allra hreppa í Skagafirði.Meira -
Forsætisráðherra heimsækir Skagafjörð
feykir.is Skagafjörður, Mannlíf 28.04.2025 kl. 02.41Kristrún Frostadóttir forsætisráðherra býður til opins fundar í Skagafirði mánudaginn 28. apríl. Ráðherra verður einnig með erindi á kirkjukvöldi á Sauðárkróki sama dag í tilefni Sæluviku. „Það hefur gefið mér mikið síðustu misseri að halda opna fundi með fólki um allt land og ég vil halda því áfram eins og ég get í nýju embætti. Ég hlakka til að koma í Skagafjörðinn og eiga opið og milliliðalaust samtal um það sem brennur helst á heimamönnum,“ segir Kristrún.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.