Hættulegustu vegir landsins– stutt samantekt nýrrar rannsóknar
Fjöldi umferðarslysa á þjóðvegum landsins er mestur á helstu stofnbrautum frá Reykjavík, norður yfir heiðar til Akureyrar, og á helstu vegum á Mið-Austurlandi. Hættulegast er hins vegar fyrir einstaka vegfarendur að vera á ferðinni á þjóðvegum á norðausturhorni landsins, norðanverðu Snæfellsnesi og helstu vegum á sunnan- og norðanverðum Vestfjörðum. Þetta sýnir ný rannsókn sem birtist í Læknablaðinu sl. föstudag og unnin er af Þóroddi Bjarnasyni prófessor og stjórnarformanni Byggðastofnunar og Sveini Arnarssyni meistaranema í félagsfræði við Háskólann á Akureyri.
Á árunum 2007–2010 urðu flest slys á hvern kílómetra vegar á Reykjanesbrautinni, Suðurlandsvegi að Selfossi og Vesturlandsvegi að Borgarnesi. Þegar litið er til tíðni umferðarslysa á hverja milljón ekna km. eru þessir vegir hins vegar aðeins í 33. – 41. sæti af 45 vegum milli helstu byggðakjarna landsins. Áhætta hvers vegfaranda er mest á tiltölulega fáförnum vegarköflum á norðausturhorni landsins frá Þórshöfn til Vopnafjarðar og þaðan yfir á hringveginn um Hellisheiði annars vegar og Vopnafjarðarheiði hins vegar.
Þegar tekið hefur verið tillit til bæði fjölda slysa og áhættu vegfarenda er leiðin milli Neskaupsstaðar og Stöðvarfjarðar um Oddsskarð og Fáskrúðsfjarðargöng hættulegasti vegarkafli landsins. Í öðru sæti er leiðin frá Hellissandi að Stykkishólmi á Vesturlandi en leiðin frá Þingeyri til Súðavíkur á Vestfjörðum í þriðja sæti. Meðal tíu hættulegustu vegarkafla landsins samkvæmt þessari skilgreiningu eru jafnframt leiðirnar Seyðisfirði til Reyðarfjarðar, frá Stykkishólmi til Borgarness og Búðardals, frá Blönduósi til Akureyrar og frá Grindavík til Laugarvatns um Eyrarbakka.
Höfundar benda á að á síðustu misserum hefur verið lögð áhersla á svonefnda „núllsýn“ umferðaröryggis þar sem megináhersla sé lögð á fækkun umferðaslysa þar sem þau eru flest fremur en sambærilegt umferðaröryggi allra landsmanna. Niðurstöður rannsóknarinnar sýni hins vegar að umferðarþyngstu og slysamestu vegirnir á suðvesturhorninu séu jafnframt með öruggustu þjóðvegum landsins fyrir einstaka vegfarendur. Því kunni misrétti í umferðaröryggi eftir landshlutum að aukast ef samgöngubætur á suðvesturhorni landsins njóta forgangs umfram aðrar brýnar framkvæmdir í samgöngumálum. Leita þurfi jafnvægis sem taki bæði tillit til fjölda slysa og áhættu einstakra vegfarenda.
Höfundar benda jafnframt á að umferðaröryggi sé aðeins einn þeirra þátta sem máli skipta við forgangsröðun samgönguframkvæmda. Þannig sé vegurinn frá Bjarkarlundi að Brjánslæk á sunnanverðum Vestfjörðum t.d. einn lélegasti þjóðvegur landsins en slysatíðni á þeim vegi sé engu að síður nálægt meðallagi. Á hinn bóginn geti góður vegur leitt til aukins umferðarhraða og á sumum vegum geti verið þörf á hraðamyndavélum og aukinni löggæslu fremur en frekari vegabótum.
Nánar má lesa um niðurstöður rannsóknarinnar í Læknablaðinu,
/Fréttatilkynning
Fleiri fréttir
-
Sexí sjö mörk hjá Stólunum í dag
feykir.is Skagafjörður, Íþróttir, Lokað efni 29.06.2025 kl. 20.23Nú stendur yfir sex vikna sumarhátíð í Hafnarfirði. Það má því kannski spyrja sig að því hvort Hafnfirðingar hafi ekki veirð klárir í alvöru norðansudda og svínerí þegar þeir mættu á Krókinn í dag því það stóð ekki steinn yfir steini í leik þeirra fyrsta hálftímann. Þá gerðu Stólarnir sex mörk og já, þrjú stig í höfn. Lokatölur á Sauðárkróksvelli í dag 7-0.Meira -
Húnvetningar máttu sætta sig við tap í Garðabænum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.06.2025 kl. 17.00Lið Kormáks/Hvatar sótti Garðabæinn heim og spilaðði við lið KFG á Samsungvellinum í dag og var leikið fyrir framan 63 áhorfendur. Garðbæingar voru sæti neðar en Húnvetningar og mátti því reikna með jöfnum leik og spennandi. Það fór svo að heimamenn höfðu betur og liðin skiptu því um sæti í deildinni. Lokatölur 2-1 fyrir KFG.Meira -
Sveinbjörn sprettir úr spori
feykir.is Skagafjörður, Íþróttir, Lokað efni 29.06.2025 kl. 13.00Íslenska landsliðið í frjálsum íþróttum gerði góða ferð til Maribor í Sloveníu þar sem það keppti í 3. deild Evrópubikarssins í frjálsum. Ísland sigraði með yfirburðum sem þýðir að Ísland keppir í 2. deild eftir tvö ár. Sigur Íslands var aldrei í hættu og leiddi stigakeppnina strax frá fyrstu grein, þetta var bara spurning um með hve miklum mun íslenska liðið myndi vinna. Niðurstaðan var 461,5 stig, sem er rúmlega 50 stigum meira en hjá Lúxemborg sem urðu í öðru sæti með 410 stig og Bosnía Hersegóvína endaði í þriðja sæti.Meira -
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira
