Háskólinn á Hólum hlýtur styrk úr Byggðarannsóknasjóði
Á ársfundi Byggðastofnunar sem haldinn var á Siglufirði þann 11. apríl sl. var kynnt hvaða verkefni fengju styrk úr Byggðarannsóknasjóði að þessu sinni. Verkefnin þrjú sem hlutu styrk eru rannsóknir sem lúta að minjavernd og ferðaþjónustu, landbúnaði og búsetuskilyrðum. Frá þessu er sagt á vef Byggðastofnunar.
Háskólinn á Hólum fékk hæsta styrkinn að upphæð 3,5 milljónir króna til rannsóknar um nytja- og minjagildi torfhúsa. Markmið rannsóknarinnar er að kanna viðhorf landsmanna og ferðamanna til þess minjaarfs sem felst í torfhúsum. Einnig á að skrá, staðsetja og lýsa þessum menningarminjum og skoða hvaða sess torfhús hafa varðandi ferðaþjónustu og minjavernd. Afraksturinn mun nýtast til stefnumótunar í minjavörslu og til jákvæðrar byggðaþróunar. Á vef Háskólans á Hólum segir að fyrsti áfangi rannsóknarinnar muni hefjast í sumar og verði Rannsóknamiðstöð ferðamála, Þjóðminjasafn Íslands og Byggðasafn Skagfirðinga samstarfsaðilar með Ferðamáladeildinni. Fleiri muni bætast í hóp rannsakenda í framhaldinu. Tveir af starfsmönnum Ferðamáladeildar, þær Sigríður Sigurðardóttir aðjúnkt og Laufey Haraldsdóttir deildarstjóri, hafa umsjón með rannsókninni fyrir hönd skólans.
Aðrir styrkhafar Byggðarannsóknasjóðs voru Landbúnaðarháskóli Íslands sem hlaut þriggja milljón króna styrk til verkefnisins Betri búskapur - bættur þjóðarhagur og Samtök sveitarfélaga á Vesturlandi fékk 2,4 milljónir til verkefnis sem ber heitið Sínum augum lítur hver á silfrið: Búsetuskilyrði og blæbrigði þeirra.
Byggðarannsóknasjóður var stofnaður haustið 2014 og er fjármagnaður af fjárlagalið byggðaáætlunar og með framlagi frá Byggðastofnun. Auglýst var eftir umsóknum í sjóðinn 2. febrúar og umsóknarfrestur rann út þann 14. mars. Sex umsóknir bárust, samtals að upphæð rúmar 17,1 milljón króna.
Fleiri fréttir
-
Það er ekki nokkur maður að gleyma leiknum í kvöld
feykir.is Skagafjörður, Íþróttir, Mannlíf, Lokað efni 29.04.2025 kl. 16.37Við minnum enn og aftur á leikinn í kvöld! Já einmitt, það er þriðji leikur Tindastóls og Álftaness í undanúrslitum Bónus deildar karla í kvöld og hefst kl. 19:15.Meira -
Ótrúlegt en satt sýnd í Króksbíó 1. maí
feykir.is Skagafjörður, Listir og menning 29.04.2025 kl. 16.11Stuttmyndin Ótrúlegt en satt eftir Ásthildi Ómarsdóttur, sem er kvikmyndagerðarkona frá Sauðárkróki, verður sýnd fimmtudaginn 1. maí kl. 16:00 í Króksbíó á Sauðárkrókii. Myndin vekur upp mikilvægar spurningar um virðingu og mannúð á dvalarheimilum. Myndin var valin besta stuttmyndin á leiklistarbraut Kvikmyndaskóla Íslands við útskrift skólans í lok síðasta árs og leikur Ásthildur aðalhlutverkið. Í öðrum helstu hlutverkum eru Vigdís Hafliðadóttir, Sólveig Pálsdóttir og Magnús Orri Sigþórsson.Meira -
Húnvetningum spáð falli en eru hvergi bangnir
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.04.2025 kl. 15.36„Við erum langminnsta félagið í deildinni. Við erum með svo margar áskoranir sem við verðum að sigrast á. Hópurinn á svo stuttan tíma saman á undirbúningstímabilinu í samanburði við hin liðin. Svona er þetta bara og við tökum áskoruninni af alefli," segir Dominic Furness í spjalli við Fótbolta.net en miðillinn spáir liði Kormáks Hvatar neðsta sætinu í 2. deild á komandi keppnistímabiii sem hefst nú í vikulokin en lið Húnvetninga spilar við KFA í Fjarðabyggðarhöllinni á laugardaginn.Meira -
Vel heppnað Kirkjukvöld í Sauðárkrókskirkju
feykir.is Skagafjörður, Mannlíf 29.04.2025 kl. 12.29Það var hugljúf og falleg stund í Sauðárkrókskirkju mánudagskvöldið 28. apríl þegar hið árlega Kirkjukvöld var haldið. Gestir kvöldsins voru rúmlega 100 manns og var dagskráin glæsileg að vanda. Sr. Karl Matthíasson tók fyrstur til máls og kynnti lögin eitt af öðru, eins og honum einum er lagið, en það var Kirkjukór Sauðárkrókskirkju sem hóf sönginn. Stjórnandi kórsins var að þessu sinni Helga Rós Indriðadóttir og spilaði Rögnvaldur Valbergsson organisti á hljómborð og Sigurður Björnsson var á trommum. Einsöngvarar kvöldsins voru þær Lára Sigurðardóttir og Guðrún Jónsdóttir.Meira -
SSNV krefur stjórnvöld um að hraða uppbygginu vega í landshlutanum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.04.2025 kl. 12.02Á ársþingi Samtaka sveitarfélaga á Norðurlandi vestra, sem haldið var á Sauðárkróki 9. apríl voru ýmsar ályktanir samþykktar. Þar á meðal ein er varðar vegasamgöngur í landshlutanum en í henni er þess krafist að stjórnvöld hraði uppbyggingu vega á Norðurlandi vestra og tryggi að stofn- og tengivegir í landshlutanum verði færðir upp í forgang í samgönguáætlun ríkisins, með skýrri framkvæmdaáætlun og tryggu fjármagni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.