Háskólinn á Hólum og Hjaltadalur ferðaþjónusta ehf. í samstarf
Háskólinn á Hólum og Hjaltadalur ferðaþjónusta ehf. gerðu nýverið samning til þriggja ára um rekstur mötuneytis háskólans, veitingastaðarins Kaffi Hóla og gestamóttöku og gistisölu á Hólum. Verið er að þróa spennandi dekurhelgar yfir vetrarmánuðina og villibráðar- og jólahlaðborð eru í deiglunni.
,,Markmið Hjaltadals ferðaþjónustu ehf. er að starfrækja ábyrga veitinga- og gistisölu. Í því sambandi leggjum við meðal annars ríka áherslu á aðkomu heimamanna að ákvarðanatöku, notum hráefni úr héraði sé þess nokkur kostur og að reksturinn skapi tækifæri hér á svæðinu. Fyrirtækið hóf starfsemi sína í miðri fyrstu bylgju Covid. Okkar ætlun var að tryggja þjónustu í þeirri óvissu sem þá ríkti og gerir raunar enn. Samstarfi hefur verið farsælt og þróast með þeim hætti að báðir aðilar telja þjónustunni best borgið í þeim farvegi sem hefur myndast á undanförnum mánuðum. Auðvitað er þetta ástand mjög skringilegt, en við erum bjartsýn og vongóð um framhaldið,” segir Gústaf Gústafsson, framkvæmdastjóri Hjaltadals ferðaþjónustu ehf.
„Háskólinn á Hólum er miðstöð fyrir kennslu og rannsóknir í hestafræðum, fiskeldi- og fiskalíffræði, viðburðastjórnun og ferðaþjónustu í dreifbýli. Hér er rekin öflug ferðamáladeild sem meðal annars þjálfar verðandi stjórnendur og leiðtoga í greininni. Það er dýrmætt að rekstur ferðaþjónustu á Hólum beri háskólanum og staðnum fagurt vitni. Við bindum miklar vonir við það samkomulag sem við nú undirrituðum varðandi ábyrga ferðaþjónustu og ríka þjónustulaun í anda upplifunar sumarsins,” segir Erla Björk Örnólfsdóttir, rektor Háskólans á Hólum.
Villibráð og dekurhelgar einkenna næstu mánuði
Gústaf segist finna fyrir jákvæðum viðbrögðum víða og nefnir að til að mynda hafi verið óskað eftir því að haldin verði villibráðar- og jólahlaðborð á Hólum. Hann segir að verið sé að þróa spennandi dekurhelgar yfir vetrarmánuðina. „Þar nýtum við þann auð sem býr í héraði og útkoman er einstök að mínu viti. Til dæmis erum við í samstarfi við Solveigu Láru Guðmundsdóttur, vígslubiskup, sem býður upp á hjónabandsráðgjöf fyrir þá sem vilja. Auk þess erum við með matarnámskeið þar sem matreiðslumeistarar kenna gestum á villibráð, þá er línudans, gönguferðir með leiðsögn, bjórkynning frá hinu víðfræga Bjórsetri Íslands svo eitthvað sé nefnt. Það er reyndar alveg ótrúlega margt spennandi í gangi hérna,” segir Gústaf.
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.