Háspenna lífshætta í Grindavík
Stólarnir sóttu Grindavík heim í gærkvöldi í Lengjubikarnum í körfunni og var boðið upp á háspennuleik því þegar upp var staðið hafði viðureignin verið tví framlengd en það voru heimamenn í Grindavík sem höfðu vinninginn á endanum, sigruðu 109-108.
Tindastóll byrjaði leikinn betur en fljótlega jafnaðist dæmið og staðan 23-22 fyrir heimamenn að loknum fyrsta leikhluta. Upp úr miðjum öðrum leikhluta náðu Grindvíkingar 8 stiga forystu en gestirnir hleyptu þeim ekkert lengra fram úr og staðan í hálfleik 50-45.
Grindvíkingar náðu aftur 8 stiga forystu upp úr miðjum þriðja leikhluta, 62-54, en Stólarnir voru ákveðnir og náðu 12-1 kafla fyrir lok þriðja leikhluta, staðan 63-66. Sagan endurtók sig í fjórða leikhluta, heimamenn náðu 10 stiga forystu þegar innan við fimm mínútur voru til leiksloka en þremur mínútum síðar var Helgi Rafn búinn að jafna leikinn og koma Stólunum yfir. Helgi átti stórleik í gær, gerði 38 stig og tók 11 fráköst. Ekki dugði þetta þó til því heimamenn komust yfir enn á ný en Antoine Proctor tryggði Stólunum framlengingu með því að setja niður tvö víti í blálokin.
Í framlengingunni var allt í járnum en Stólarnir þó skrefinu á undan. Proctor setti niður þrist þegar hálf mínúta var eftir en Christopher Stephenson svaraði í sömu mynt. Bæði Proctor og Stephenson fengu síðan tækifæri til að gera út um leikinn en skot þeirra geiguðu. Það þurfti því að framlengja öðru sinni og nú fóru menn að týnast út af með 5 villur. Grindvíkingar voru yfir lengstum í framlengingunni en Proctor fékk þrjú víti þegar örfáar sekúndur voru eftir, nýtti tvö þeirra og kom Stólunum yfir, 107-108. Sigurður G. Þorsteinsson fiskaði fimmtu villuna á Helga Rafn í framhaldinu og kappinn var ískaldur á vítalínunni, setti bæði skotin niður og tryggði Grindvíkingum sigur, 109-108.
Frábær leikur en með smá heppni og kannski skynsamari leik þá hefði sigurinn verið Stólanna. Auk Helga Rafns átti Proctor fínan leik með 30 stig, 10 stoðsendingar og 9 fráköst og Pétur Rúnar Birgisson var góður með 9 stig, 6 stoðsendingar, 5 stolna bolta og 5 fráköst. Þessi úrslit þýða að ef Tindastóll og Grindavík enda með jafn mörg stig þá eru innbyrðisúrslit hagstæð Stólunum.
Stig Tindastóls: Helgi Rafn 38, Proctor 30, Ingvi Rafn 13, Flake 9, Pétur 9, Helgi Freyr 6 og Sigurður Páll 3.
Fleiri fréttir
-
Metnaðarfull sumarsýning hjá Heimilisiðnaðarsafninu
feykir.is Austur-Húnavatnssýsla, Listir og menning 13.06.2025 kl. 08.06Sumarsýning Heimilisiðnaðarsafnsins Halla, Hún er ég – Prjónatilveran var opnuð laugardaginn 7. júní að viðstöddum fjölda gesta. Að þessu sinni er það Halla Lilja Ármannsdóttir sem er með fjölbreytta prjónasýningu. Um er að ræða prjónaðar flíkur og margs konar nytjahluti og skúlptúra.Meira -
Tekið vel í tillögu um árlega viðurkenningu til Listamanns Skagafjarðar
feykir.is Skagafjörður, Listir og menning 12.06.2025 kl. 14.41Á fundi atvinnu-, menningar- og kynningarnefndar Skagafjarðar sem fram fór þann 5. júní síðastliðinn var lögð fram tillaga frá Álfhildi Leifsdóttur fulltrúa VG og óháðra í byggðarráði þar sem hún lagði til að komið verði á árlegri viðurkenningu til handa listamanni í Skagafirði sem hefur skarað fram úr í listsköpun sinni eða stuðlað að menningarstarfi í héraðinu.Meira -
Nú streymir heita vatnið um Austur-Húnavatnssýslu sem aldrei fyrr
feykir.is Austur-Húnavatnssýsla, Lokað efni 12.06.2025 kl. 14.00Ný vinnsluhola, RR-38, verður formlega vígð föstudaginn 13.júní að Reykjum í Húnabyggð. Þar með lýkur umfangsmiklu verkefni sem hófst árið 2021 með það markmið að auka afkastagetu hitaveitunnar og tryggja nægjanlegt framboð á heitu vatni fyrir ört vaxandi eftirspurn á svæðinu. Hitaveitan að Reykjum þjónar nú öllu þéttbýli á Blönduósi og Skagaströnd auk dreifbýlis í Húnabyggð. Með tilkomu nýju vinnsluholunnar er rekstraröryggi aukið og tryggt að veitan geti sinnt núverandi og framtíðareftirspurn á svæðinu.Meira -
Meistari Arnar Björns semur til tveggja ára
feykir.is Skagafjörður, Íþróttir, Lokað efni 12.06.2025 kl. 13.35Dagur Þór og kompaní hjá körfuknattleiksdeild Tindastóls halda áfram að skreyta gómsæta hnallþóruna sem karlalið Tindastóls á að verða á næsta keppnistímabili. Nú hefur Sigtryggur Arnar Björnsson hripað nafn sitt á nýjan samning og ætlar að fara með okkur kátur og hress í körfuboltaferðalag næstu tvö tímabil.Meira -
Stefnir í sameingarviðræður Dalabyggðar og Húnaþings vestra
feykir.is Vestur-Húnavatnssýsla, Lokað efni 12.06.2025 kl. 11.21Á sveitarstjórnarfundi í Húnaþingi vestra í dag verður tekin endanleg ákvörðun um hvort ákveðið verði að hefja formlegar sameiningarviðræður við Dalabyggð. Sveitarstjórn Dalabyggðar hefur þegar samþykkt að hefja sameiningarviðræður en sú ákvörðun var endanlega samþykkt á fundi sveitarstjórnar Dalabyggðar þann 10. júní sl.Meira
