Haustfrí í heimabyggð
Vetrarfrí verður í grunnskólunum í Skagafirði næstkomandi fimmtudag og föstudag. Til að hafa ofan af fyrir þeim sem vita ekki hvað þeir eiga að hafa fyrir stafni þessa daga bjóða nokkrir aðilar í firðinum upp á skemmtilega og fræðandi afþreyingu fyrir börn og fullorðna.
Dagskráin er svohljóðandi:
17. október kl. 13:00
Fjölskylduleiðsögn með Sigurði Hansen á Haugsnesgrundum, Blönduhlíð
Sigurður Hansen ætlar að leiða fjölskyldur um Haugsnesgrundir á meðan hann segir frá baráttunni á milli ætta Sturlunga og Ásbirninga og Haugsnesbardaga sem átti sér stað árið 1246.
17. október kl. 14:00-16:00
Fjölskyldufjör í Glaumbæ
Byggðasafn Skagfirðinga stendur fyrir fjölskyldufjöri í Glaumbæ. Listasmiðja verður í Gilsstofu, þar sem við kynnumst og sköpum ýmsar kynjaskepnur og furðuverur.
Ratleikur hefst kl. 14:30. Völuspá verður í gamla bænum.
Rjúkandi heitt súkkulaði og pönnukaka í Áskaffi á 500 kr.
18. október kl. 9:00-17:00
Fjölskyldudagur í 1238, Aðalgötu 21 Sauðárkróki
1238 : Baráttan um Ísland býður alla grunnskólanemendur velkomna á sýninguna um Sturlungaöldina föstudaginn 18. október. Prófaðu Örlygsstaðabardaga í sýndarveruleika - spil á borðum og notaleg stemming í Gránu. Frítt inn fyrir börn og fullorðna í fylgd með börnum.
Klæddu þig upp að Sturlungasið og taktu mynd!
18. október kl. 14:00-16:00
Tímagöng hjá Puffin and Friends, Aðalgötu 24 Sauðárkróki
Ferðastu 100 ár aftur í tímann með aðstoð 360° sýndarveruleikagleraugna og fræðstu á lifandi hátt um samgöngur, verslun og viðskipti, um landbúnað og sjósókn en einnig um torfbæina – sem voru bæði heimili og vinnustaður fólks árið 1918.
Fleiri fréttir
-
Vísnakeppni Sæluviku 2025
feykir.is Skagafjörður, Listir og menning, Mannlíf, Lokað efni 04.05.2025 kl. 14.56Við setningu Sæluviku Skagfirðinga er venja að birta úrslit í árlegri vísnasamkeppni, vonandi verður hún á Sæluvikudagskránni næstu hálfa öldina amk. Markmiðið er að fá fólk til að rifja upp kynni við skáldagyðjuna, botna fyrirfram gefna fyrriparta og yrkja vísu eða vísur um ákveðið efni. Í ár er það eftirtektarverður og ógnvekjandi stjórnunarstíll forseta nokkurs vestanhafs sem er yrkisefnið. Aukning þátttöku í prósentum talið er að nálgast efri tollamörk Trömps. Bárust okkur svör frá 21 hagyrðingi undir alls 26 dulnefnum . Sumir botnuðu alla fyrriparta ásamt því að senda inn eina eða fleiri vísur, einhverjir sendu aðeins eina stöku og allt þar á milli. Hver hafði sína hentisemi með það. Úr nógu var því að moða og erfitt verk beið dómnefndar.Meira -
Þriðja eins marks tap Stólastúlkna í röð
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.52Eftir sigur í fyrstu umferð Bestu deildar kvenna hefur lið Tindastóls nú tapað þremur leikjum í röð en allir hafa leikirnir tapast með eins marks mun og liðið verið vel inni í þeim öllum. Í gær heimsóttu Stólastúlkur gott lið Þróttar sem hafði lúskrað á okkar liði í Lengjubikarnum 9-0. Eftir hálfrar mínútu leik í gær var staðan orðin 1-0 og margir óttuðust skell. Fleiri urðu mörkin hins vegar ekki og 1-0 sigur Þróttar niðurstaðan.Meira -
Erfið byrjun Húnvetninga í 2. deildinni
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.34Við skulum vona að fall sé fararheill hjá knattspyrnuliði Húnvetninga því ekki sóttu þeir gull í greipar Austfirðinga í gær. Þá öttu þeir kappi við lið KFA í Fjarðabyggðahöllinni í fyrstu umferð 2. deildar karla í knattspyrnu. Þegar upp var staðið höfðu gestgjafarnir hreinlega alls ekkert verið gestrisnir, gerðu átta mörk á meðan gestirnir gerðu eitt.Meira -
Tindastólspiltar með sigur í fyrsta leik
feykir.is Skagafjörður, Íþróttir, Lokað efni 04.05.2025 kl. 02.52Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.Meira -
Það verða læti!
feykir.is Skagafjörður, Íþróttir, Lokað efni 03.05.2025 kl. 23.24Fjórði leikurinn í undanúrslitaeinvígi Tindastóls og Álftaness fór fram í Kaldalónshöllinni á Álftanesi í kvöld: Það var frábær stemning og stuðningsfólk Tindastóls fjölmennto og var í góðum gír að venju. Leikurinn var hin besta skemmtun og enn betri fyrir gestina eftir því sem á leið leikinn. Það fór svo á endanum að Stólarnir sýndu sínar bestu hliðar og tryggðu sér þriðja sigurinn í einvíginu og þar með sæti í úrslitarimmunni. Lokatölur 90-105.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.