Hestadagar grunnskólanemenda á Hólum
Hestafræðinámi 9. bekkinga í Varmahlíðarskóla og 8. og 9. bekkjar Árskóla sem fram fer á Hestadögum Háskólans á Hólum lauk nýlega með fjögurra daga dvöl nemendanna á Hólum í Hjaltadal.
Hestadagarnir eru liður í æfingakennslu 1. árs nemenda við Hestafæðideild Háskólans á Hólum þar sem þau fá tækifæri til að æfa sig í að kenna byrjendum eða aðeins vönum nemendum hestamennsku. Kennd eru bókleg og verkleg atriði sem tengjast hestum, hestahaldi og því að vera góður hestamaður.
„Þetta er sem sagt liður í námskeiðinu Kennslufræði 2 sem nemendur á 1. ári í hestadeildinni við Háskólann á Hólum eru að taka. Þau eru búin að læra kennslu- og reiðkennslufræði 1 fyrir áramót og á vorönn er reiðkennslufræði 2,“ sagði Elisabeth Jansen, sem hefur umsjón með námskeiðinu, í samtali við Feyki í síðustu viku.
„Þá eru þau að æfa sig allan veturinn að kenna hvert öðru en svo er boðið upp á námskeið í fjóra daga heima á Hólum fyrir skólakrakkana. Grunnskólinn austan Vatna var með í „gamla“ daga en það hefur ekki tekist síðustu árin þar sem þau eru oftast í árshátíðarundirbúningi á þessum tíma,“ sagði Elisabeth ennfremur. Hún segir að í ár hafi verið metskráning og voru 48 nemendur skráðir í upphafi, en hingað til hafa þeir verið um 30-35 á ári. Vegna forfalla voru um 40 börn sem mættu hvern dag á námskeiðið.
„Kennaraefnin við Hólaskóla voru 22, fleiri en verið hafa undanfarin ár, svo þetta gekk allt saman mjög vel og hafa þau mjög gaman af því að vinna með þessum áhugasömu nemendum úr 8. og 9. bekk. Þau kenna alls konar hluti tengda hestamennskunni hér og er það bæði bókleg kennsla og verkefnavinna, ásamt verklegum reiðtímum í reiðhöllum Hólaskóla. Við erum mjög ánægð með þetta samstarf og lítum björtum augum á framtíðina hvað varðar hestamennsku í Skagafirði,“ sagði Elisabeth að lokum.
Fleiri myndir frá þessu skemmtilega verkefni má finna á heimasíðu Varmahlíðarskóla.
Fleiri fréttir
-
Minnstu bæjarfélögin hrópa út í tómið | Ólafur Adolfsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 31.05.2025 kl. 00.45„Hækkunin sem fylgir þessari skattlagningu er of mikil til að þessi minnstu fyrirtæki geti rekið sig réttum megin við núllið. Það er mat Óðins að þessi fyrirtæki, sem hafa fjölda manns í vinnu, fari að hverfa eitt af öðru um mitt næsta ár. Ríkisstjórnin reyndi í uppfærslu á frumvarpinu að koma til móts við minni útgerðir en samt sem áður er staðan svona. Þetta sýnir bara hversu hroðvirknislega þetta var unnið frá upphafi,“ segir Ólafur Adolfsson í aðsendri grein.Meira -
Iðnmenntun í uppnámi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.05.2025 kl. 15.26Morgunblaðið birti þann 29.5 umfjöllun um húsnæðismál verknámsdeildar FNV. Undir fyrirsögninni: Verknámshúsið löngu sprungið. Þar er vitnað til skólaslitaræðu fráfarandi skólameistara, Ingileifar Oddsdóttur:Meira -
Húnabyggð ein fjögurra sem hlaut styrk
feykir.is Austur-Húnavatnssýsla 30.05.2025 kl. 13.40Á vef Innviðaráðuneytisins kemur fram að styrkbeiðni Húnabyggðar um styrk til að þróa og efla almenningssamgöngur innan sveitarfélagsins með áherslu á samgöngur fyrir börn og ungmenni hafi verið ein fjögurra sem hlutu styrk Innviðaráðuneytisins vegna aðgerðar A.10 á byggðaáætlun, Almenningssamgöngur milli byggða.Meira -
Gleðilega hátíð sjómenn
feykir.is Skagafjörður, Austur-Húnavatnssýsla, Lokað efni 30.05.2025 kl. 10.05Sjómannadagurinn verður haldinn hátíðlegur um komandi helgi og hófust hátíðarhöld á Skagaströnd með golfmóti á Skagastörnd í gær fimmtudag. Íbúar Skagastrandar hafa einnig verið hvattir til þess að skreyta húsin sín og verða vegleg verðlaun fyrir best skreytta húsið. Frábær dagskrá verður síðan alla helgina en hátíðin heitir því fallega og viðeigandi nafni Hetjur hafsins. Meðal þess sem í boði verður eru, BMX brós, VÆB bræður, vatnsfótbolti, skrúðganga, skemmtun á bryggjunni, tónlistarbingó og dansleikur með hljómsveitunum Skandal og Steinliggur svo það er óhætt að segja að það verður margra daga sjómannadagsstuð á Skagaströnd alla helgina.Meira -
Myndasyrpa frá brautskráningu FNV
feykir.is Skagafjörður, Austur-Húnavatnssýsla, Ljósmyndavefur, Vestur-Húnavatnssýsla, Mannlíf, Lokað efni 29.05.2025 kl. 20.44Það var hinn merkilegasti brautskrárningardagur við Fjölbrautaskola Norðurlands vestra í gær eins og sagt var frá hér á Feykir.is í dag. Að venju var viðburðurinn myndaður í bak og fyrir, þrír ljósmyndarar mættir á svæðið og um 1800 myndir sem þarf að rúlla í gegnum. Hér má finna smá bragð af deginum í snefilmagni.Meira
