Hjaltadalur ferðaþjónusta ehf. í samstarf við Kvenfélag Hólahrepps.
Hjaltadalur ferðaþjónusta ehf. sem rekur ferðaþjónustu á Hólum í Hjaltadal afhenti nýlega Kvenfélagi Hólahrepps 200.000 kr. styrk í tilefni af samstarfi um veitingasölu í tengslum við kynbótasýningu sem haldin var af Ráðgjafarmiðstöð Landbúnaðarins og fór fram á Hólum dagana 8.-19. júní sl.
„Það er afar ánægjulegt að geta unnið að verkefnum sem þessu því afrakstur þess skilar sér bæði í góð málefni og einnig bætta þjónustu við gesti á Hólum. Ferðaþjónustan á Hólum er rekin undir merkjum ábyrgrar stýringar ferðaþjónustu og við viljum legga okkar lóð á vogarskálarnar að gera Hóla í Hjaltadal að betri stað til að búa á og betri stað til að heimsækja,” segir Gústaf Gústafsson framkvæmdastjóri Hjaltadals ferðaþjónustu ehf.
Hjaltadalur ferðaþjónusta ehf. rekur gestamóttöku, mötuneyti og veitinga- og gistisölu í tengslum við Háskólann á Hólum. Lögð er áhersla á ábyrga stýringu og hráefni úr héraði. Veitingastaðurinn Undir Byrðunni er opinn frá kl. 8-20 alla virka daga og frá kl. 10-20 um helgar.
Kvenfélag Hólahrepps er innan Kvenfélagasambands Íslands og var stofnað 1950, það eru því 70 ár í ár frá stofnun þess. félagar eru 20 og þar af einn heiðursfélagi sem heitir Marsibil Hólm Agnarsdóttir, fædd 1935 og er hún elsti núverandi félaginn. Fundir eru haldnir mánaðarlega yfir vetrartímann og fjáröflun er af ýmsum toga svo sem erfidrykkjur, þrif og ýmislegt sem til fellur. Lögð er áhersla á að styrkja ýmis málefni í heimabyggð.
/Fréttatilkynning
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.