Hólanemar styrkja björgunarsveit
Bræðurnir Ingvar Daði og Ævar Jóhannssynir úr björgunarsveitinni Gretti í Hofsósi tóku í dag á móti styrk frá ferðamálanemendum við Háskólann á Hólum. Háskólanemarnir höfðu staðið fyrir kaffihlaðborði á Hólum á dögunum og er styrkurinn afrakstur þeirrar kaffisölu.
Um var að ræða hagnýtt verkefni í námskeiðinu Matur og menning, þar sem nemendum var ætlað að skipuleggja, undirbúa og standa fyrir matartengdum viðburði. Þetta gerðu nemendurnir með miklum ágætum og komu um 100 manns í kaffi á Hólum þann daginn.
Þema hlaðborðsins var hefðbundið íslenskt kaffihlaðborð þar sem borð svignuðu undan hnallþórum, pönnukökum, hangikjöti með flatbrauði, skonsutertum og fleira góðgæti. Það voru saddir og sælir gestir sem stóðu upp frá borðum og var mál manna að vel hefði til tekist. Styrkurinn mun vonandi nýtast björgunarsveitinni vel í því ágæta starfi sem þar fer fram.
Eftirtaldir lögðu verkefninu lið og hljóta bestu þakkir fyrir: Sauðárkróksbakarí, Landsbanki Íslands á Sauðárkróki, Kaupfélag Skagfirðinga, Hlíðarkaup, Kvenfélag Staðarhrepps, Norðlenska á Akureyri og Kornax. Einnig er Herdísi í Áskaffi þakkað fyrir veittan stuðning og lán á búningum.
Fleiri fréttir
-
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira -
„Ungt fólk sjálfstæðara og ákveðnara en áður“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 07.06.2025 kl. 13.17Eins og fram hefur komið þá láta nú af störfum þrír máttarstólpar Fjölbrautaskóla Norðurlands vestra og þar með talinn skólameistarinn sjálfur. Ingileif Oddsdóttir tók við starfi skólameistara af Jóni F. Hjartarsyni árið 2011 en þau tvö eru ein um að hafa gegnt þessari stöðu í 46 ára sögu skólans sem er auðvitað magnað í sjálfu sér. Feykir lagði nokkrar spurningar fyrir Ingileif.Meira -
Þrír hressir hundar á heimili Gunndísar | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 07.06.2025 kl. 13.03Í þessum gæludýraþætti ætlum við að fara yfir á Skagaströnd en þar býr Gunndís Katla Þrastardóttir og fjölskyldan hennar. Gunndís er á þrettánda ári og er dóttir Vigdísar Elvu Þorgeirsdóttur, kennara í Höfðaskóla, og Þrastar Árnasonar, sjómanns á Drangey SK-2. Hún á einnig eina systur og tvo bræður. Það má svo ekki gleyma öllum loðdýrunum á heimilinu en þau eiga þrjá hunda, Óm, Dreka og Brúnó. Feyki langaði að forvitnast aðeins um gæludýrin hennar Gunndísar og sendi henni nokkrar spurningar.Meira
