Hraðbankinn bilaður á Hofsósi
Íbúar á Hofsósi eru orðnir langeygir eftir því að eini hraðbankinn á svæðinu komist í lag en hann hefur verið bilaður í þrjár vikur. Þykir þetta mjög bagalegt þar sem margir notendur eru eldra fólk sem ekki gera sín reikningsskil á Netinu.
Bankaútibú sem þá hét Nýi Kaupþing Banki lokaði í árslok 2009 og hefur hraðbanki þjónað íbúum síðan við misgóðar undirtektir. Óánægður íbúi Hofsóss og hraðbankanotandi hafði samband við Feyki og var ekki sáttur við þessar aðstæður. Sagðist hann ekki vera með bíl til umráða til að fara upp á Krók eftir peningum og ekki heldur nettengdur og því væri málið snúið. –Ætli ég verði ekki að fá einhvern til að skutla mér á Krókinn. Það gengur ekki að vera alveg auralaus, sagði viðkomandi sem ekki vildi koma fram undir nafni.
Þær upplýsingar fengust hjá Jóel Kristjánssyni útibústjóra Arion banka á Sauðárkróki að þegar húsnæði bankans á Hofósi var selt var gerður samningur við kaupanda um að hraðbankinn fengi að vera áfram í húsinu. Þeim samningi hefur nú verið sagt upp af hálfu nýrra eigenda. Kaupandi hússins hefur staðið í endurbótum á húsnæðinu sem hefur haft miður slæm áhrif á viðkvæman búnað hraðbankans og til viðbótar var staðsetning hans utanhúss ekki heppileg miðað við veður og vinda. Er nú svo komið að ekki er talið forsvaranlegt að halda hraðbankanum gangandi við þessar aðstæður. Verið er að finna hraðbankanum varanlegri og betri staðsetningu og ekki ólíklegt að niðurstaða fáist innan skamms í þau mál.
-Starfsfólk Arion banka í Skagafirði gerir sér ljóst að þessar aðstæður eru notendum hraðbankans afar óþægilegar og biðjumst við velvirðingar á því, segir Jóel.
Fleiri fréttir
-
Eyrarsundsbrúin tekin og étin
feykir.is Skagafjörður, Mannlíf, Lokað efni 12.07.2025 kl. 12.10„Það viðurkennist hér með að ég hef aldrei lagt mikinn metnað í hlaupalífsstílinn og látið duga að spretta á eftir rollum heima, svona þegar líður að hausti, og ríf nú frekar í lóðin heldur en að láta reyna á þolið ef ég kemst upp með það. Ég vissi að ég þyrfti að skipta um gír ef ég ætlaði nú að lifa þetta af og þó ég hafi haft meira en heilt ár til undirbúnings þá vissulega færði ég mig ekki yfir í þann gír fyrr en tveimur mánuðum fyrir hlaupið – eins og konu með frestunaráráttu á hæsta stigi einni er lagið,“ segir Rebekka Hekla Halldórsdóttir en hún tók ásamt vinkonum sínum þátt í Brúarhlaupinu milli Danmerkur og Svíþjóðar nú í júní.Meira -
Það er alltaf nóg að gera hjá Löggunni á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 11.07.2025 kl. 14.50Í síðasta mánuði kærði lögreglan á Norðurlandi vestra 178 ökumenn fyrir of hraðan akstur og er það tæplega 19% aukning frá því í maí þegar 150 ökumenn fengu kæru fyrir að aka of hratt í umdæminu. Sem fyrr aka flestir sem kærðir eru á 110-120 kílómetra hraða en sumri óku þó hraðar og fóru jafnvel yfir 150 kílómetra á klukkustund.Meira -
Kjarnorkuákvæðið virkjað
feykir.is Stjórnmál, Fréttir 11.07.2025 kl. 13.15Þórunn Sveinbjarnardóttir þingforseti beitti, í upphafi þingfundar í dag, 71. grein þingskaparlaga og lagði þar með til atkvæðagreiðslu tillögu um að stöðva um frumvarpið en kjarnorkuákvæðinu, eins og það er oft kallað, hefur ekki verið beitt síðan 1959. Tillagan var samþykkt með 34 atkvæðum gegn 20 atkvæðum.Meira -
Burðarþol íslenska hestsins rannsakað
feykir.is Skagafjörður, Hestar, Lokað efni 11.07.2025 kl. 11.08Burðargeta hesta er málefni sem er mikið rætt í hestaheiminum. Mjög margir hafa sínar skoðanir, en rannsóknir sem undirbyggja þekkingu á burðargetu hesta eru takmakaðar og nauðsyn að afla hennar á markvissan hátt. Íslenski hesturinn er vinsælt hestakyn um allan heim, hann er eftirsóttur sem reiðhestur og keppnishestur og er mikið notaður af hestaferðaþjónustu-fyrirtækjum og í reiðskólum. Þekking á því hvernig líkamsbygging hans tengist burðargetu er afar mikilvæg, bæði hvað varðar afkastagetu á gangtegundum og velferð hesta.Meira -
Höfðingi heimsóttur á Löngumýri
feykir.is Skagafjörður, Mannlíf, Lokað efni 10.07.2025 kl. 15.39Blaðamaður Feykis kom á Löngumýri á dögunum í fréttaleit. Þar rakst hann á bráðmyndarlegan mann og tók hann tali. Það kemur í ljós að maðurinn heitir Harladur Jójannsson, 96 ára Grímseynngur og sex mánuðum betur.Meira
