Hreppsnefnd Akrahrepps ekki einhuga um sameiningarviðræður
Ekki er samstaða innan hreppsnefndar Akrahrepps um að þekkjast boð Sveitarfélagsins Skagafjarðar til formlegra viðræðna um sameiningu sveitarfélaganna tveggja í Skagafirði en hreppsnefndin tók málið fyrir á fundi sínum fyrir helgi. Varaoddviti telur Akrahrepp hafa fjárhagslegt bolmagn, mannauð og þekkingu til að reka gott samfélag áfram.
Í tillögu byggðaráðs Svf. Skagafjarðar er stungið upp á því að til stuðnings sveitarfélögunum í viðræðuferlinu verði leitað liðsinnis óháðra ráðgjafa til að meta kosti og galla mögulegrar sameiningar og þau tækifæri sem í henni gætu falist.
Í greinargerð tillögunnar segir að mikilvægt sé að vinna faglegt mat á kostum, göllum og tækifærum sem felast í sameiningu sveitarfélaganna tveggja og sýn um þá uppbyggingu sem þarf að ráðast í til að styrkja samkeppnishæfni og búsetuskilyrði samfélagsins í Skagafirði. Þá var lagt að hvort sveitarfélag um sig tilnefni fimm fulltrúa sem leiði viðræðurnar og jafnframt verði sótt um fjárframlag frá Jöfnunarsjóði sveitarfélaga vegna þeirrar vinnu.
Í fundargerð hreppsnefndar Akrahrepps segir að umræður hafi farið fram um fundarboð byggðaráðsins en ekki væri samstaða um það innan hreppsnefndar að tímabært væri að hefja formlegar sameiningarviðræður: „Þó telur hreppsnefnd það grundvöll fyrir allri ákvarðanatöku að farið verði í það að meta hugsanlegan ávinning og veikleika mögulegrar sameiningar á forsendum sveitarfélagsins og með hag samfélagsins alls að leiðarljósi. Slík vinna yrði unnin í víðtæku samráði við íbúa og niðurstaðan lögð fyrir þá til ákvörðunar um áframhaldið.“
Einar Gunnarsson varaoddviti efast um kosti hugsanlegrar sameiningar og lagði fram sérbókun: „Nú hefur meirihluti hreppsnefndar Akrahrepps ákveðið að hefja vinnu við skoðun á kostum og göllum sameiningar við Sveitarfélagið Skagafjörð. Leiði sú vinna til sameiningar flyst öll ákvarðanataka um okkar stærstu hagsmunamál til pólitískt kjörinna fulltrúa í öðru sveitarfélagi, en eins og kunnugt er snúast pólitískir hagsmunir ekki eftir því hvernig vindar blása í Blönduhlíð.
Meðal mála sem nú eru á borði hreppsnefndar er uppbygging skólanna í Varmahlíð en þar á Akrahreppur 25% eignarhlut og einnig er nýhafin vinna við endurskoðun aðalskipulags. Við getum haft mikil áhrif á þróun okkar samfélags ef við vöndum vinnubrögð við afgreiðslu þessa mála.
Samstarf sveitarfélaga, kaup og sala þjónustu þeirra á milli án þess að staðsetning þeirra skipti máli verður sífellt auðveldari. Rafræn stjórnsýsla og störf án staðsetningar eiga eftir að auðvelda rekstur smærri sveitarfélaga.
Akrahreppur hefur sjálfur fjárhagslegt bolmagn, mannauð og þekkingu til að reka gott samfélag áfram.“
Fleiri fréttir
-
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.